¹ Pono, iko mate huang pelanggaran-pelanggaran baya dosa-dosako, ² yahawe gi tawuk iro iko malan notah lalan dunia, notah penguasa kerajaan udara, roh tataha bagawi gi padang pea-pea sa bakoi taat. ³ Gi padang reo, takam kahai pono pada wolum huang nafsu kedagingan takam ngmpipuas kasidien daging baya pikiran takam. Takam gi dasar ne adalah pea-pea durhaka, sameh kakala murunsia lainne. ⁴ Kode, Allah tala sa tatau anri ahi lelu dan ket ahi lelu-Ne sa idu iro Io ngalelu takam ⁵ bahkan hantek takam mate huang pelanggaran-pelanggaran takam, Io nyamolum takam ibaya anri Kristus ulah anugerah iko haut na salamat, ⁶ dan Io membangkitkan takam ibaya anri Iyo gi duoi surgawi huang Yesus Kristus, ⁷ nampan gi masa sa sagar hawi, Io iuh nutui katatauen anugerah-Ne sa koi taukur huang kamaasus-ne hmpah takam huang Yeus Kristus. ⁸ Sabab, ulah anugerah iko na salamat metah iman bulu itu bakoi teke tongako raerai, kode karunia Allah tala, ⁹ bakoi hasil usaha ko, nampan bakoi oeng erangka ulun pun sa menyombongkan diri. ¹⁰ Takam ulahan Allah tala, na cipta huang Yesus Kristus pakai ngulah gawian maasus sa na persiap Allah tala samte ne nampan takam tau wolum gi huangne.Na ampierai huang Kristus ¹¹ Ket iro, itungleh bahwa iko pono kayaan sebagai ulun kafir, sa na ontuh " ulun bakoi ba sunat,''ulah reo sa ngontuh tonga sebagai "ulun ba sunat'', yoiro sunat sa naukah gi tonga ulah longon murunsia. ¹² Itungleh tawuk iro iko wolum kooeng Kristus,ta pisah teke warga Israel dan ulun-ulun asing pah surukan janyi sa na janyi, bakoi memiliki kaharapen baya kooeng Allah tala huang dunia itu. ¹³ Kode, tataha, huang Yesus Kristus, iko sa pono tuu oro haut na oit jari rupak raya Kristus. ¹⁴ Sabab,Io sokonrong adlah damai sejahtera takam sa haut ngulah ka ruo pihak jari erai bulu sa haut ngmpilenuh tembok permusuhan sa natampisah, ¹⁵ anri ngmpijawoh permusuhan huang daging-Ne yoiro Hukum Taurat sa baisi perintah-perintah baya katatapen-katatapen hampe gi huang tonga-Ne Io ngulah ka ruone jari erai murunsia wayu, hampe terjadi perdamaian, ¹⁶ dan mendamaikan ka ruone anri Allah tala huang erai tonga metah balasangar, hampe nampate permusuhan ¹⁷ Io hawi bara damai sejahtera hmpah iko sa oro bulu damai sejahtera hmpah reo sa rupak. ¹⁸ Sabab, metah Iyo, takam ba ruo memiliki lalan masuk hmpah Uma huang erai Roh. ¹⁹ Jari, iko bakoi kia ulun-ulun asing baya pendatang, kode sasameh warga anri ulun-ulun kudus baya anggota-anggota keluarga Allah tala, ²⁰ sa nabangun gi bawo dasar kawan rasu baya kawan nabi, anri Yesus Kristus raerai sebagai Batu Penjurune, ²¹ Huang Kristus,kahai bangunan rahai na ampierai baya palus tumu jari Bait Suci huang Tuhan. ²² Huang Iyo,iko pada rahat na bangun baya jari duoi duloi Allah tala huang Roh.