¹ Sabab iro, jarileh peniru-peniru Allah sanakolo pea-pea sa nakalelu. ² Wolum huang ahi lelu, sameh kakala Kristus ngalelu takam palus ngunru tonga-Ne pakai takam sebagai parapah dan kurban sa harum pah Allah tala. ³ Kode, ada naan pencabulan kecemaran, atawa keserakahan, bahkan na ontuh pun ada kethal iro bakoi layak gi padang ulun-ulun kudus ⁴ Ada naan papaneran beleoh, papaneran budu, atawa lelucon-lelucon kasar sa bakoi pantas sebalikne, ontuhleh syukur. ⁵ Sabab, iko kotoe anri pasti bahwa ulun cabul ulun bakoi suci, atawa serakah sa nyamah berhala bakoi sagar kaiuh warisan huang Kerajaan Kristus dan Allah tala. ⁶ Ada naan ulun sa manipu iko anri takam-takam kosong ket hal-hal iroleh sa ngampihawi murka Allah bawo pea-pea durkaha. ⁷ Jari, ada bagaul anri reo. ⁸ Pono iko adalah pisirom, kode tataha iko adalah mai huang Tuhan. Wolumleh sebagai pea-pea mai ⁹ ket ua teke mai adalah kahai maasus, keadilan,dan kabujuren, ¹⁰ dan mansuba ngeto ahe kotoe inun sa ngampisanang Tuhan. ¹¹ Ada baya ngepo bagian huang gawian pisirom sa bakoi bahasil ua, sebalikne pelegeuleh perbuatan-perbuatan iro. ¹² Sabab, ngontuh hal-hal sa reo ulah secara suni-suni gin tuu ngabangan ¹³ Kode, kahai sa na ampi pelegeu ulah mai jari ite ¹⁴ ket kahai sa jari nyata adalah mai. Iro sababne, na wada, "Buan, hai iko tukang surui! Bangkitleh teke padang ulun mate, dan Kristus sagar mai bawo iko.'' ¹⁵ Jari, katawani anri seksama kolowangun iko wolum, ada kakala ulun bebal, jarileh bijak. ¹⁶ Ampuritan waktu sa naan anri samaasu-asus ne ket onro-onro itu adalah jahat. ¹⁷ Ket iro, adaleh jari budu, kode kataruleh inun iro kabahomen Tuhan. ¹⁸ Ada mahamui et anggur ket hal iro bakoi pantas, sebalikne tamponuleh anri Roh. ¹⁹ Basurahleh erai anri salain huang mazmur,kidung pijian dan nyanyian rohani, manyanyileh dan ulahleh lagi pujian hmpah Tuhan anri saganap ateko. ²⁰ Ontuhleh syukur saratang bawo kahai ne hmpah Allah Uma huang ngaran Tuhan takam, Kristus Yesus. Nasehat pakai hong dan wawen ²¹ Tundukleh erangka ulun hmpah sa lainhuang takut pah Kristus. ²² Waen-wawen, tundukleh hmpah hong ko, kakala hmpah Tuhan. ²³ Sabab hong adalah ulok teke wawen, kakala Kristus adalah ulok teke jemaat,yoiro tubuh-Ne, dan Iyo raeaileh juru salamatne. ²⁴ Kode, sanakolo jemaat tunduk hmpah Kristus, mihie pada wawen harus tunduk hmpah hong huang kahi hal. ²⁵ Hong-hong, kaleluleh wawenko kakala Kristus ngalelu jemaat dan ngunru tonga-Ne pah jemaat, ²⁶ pakai menguduskan reo anri ngabarasis metah pamuian ranu anri firman. ²⁷ Anri mihie, Kristus iuh marapah jemaat hmpah tonga-Ne huang kemuliaan, kooeng noda, atawa kooeng miuk atawa bamasam hampe jemaat jari kudus dan bakoi bercela. ²⁸ Mihie pada, hong-hong harus ngalelu wawenne kakala tubuhne raerai. ²⁹ Sabab,bakoi oeng ulun sa suah muar tubuhne raerai, kode io malihara palus marawatne. Miiro pada sa Kristus ulah pah jemaat ³⁰ ket takam adalah anggota-anggota tubuh-Ne. ³¹ Iroleh sababne erangka ulun upo sagar nanan uma baya ine ne dan kumpul anri wawenne hampe karuone jari erai tubuh. ³² Rahasia itu idu, dan uki nyawada itu huang hubungan padang Kristus dan jemaat. ³³ Kode,ikehleh masing-masing ikam ngalelu wawenko kakala tongako raerai bulu wawen harus mahormati hongne.