¹ Jadi amun dalam Kristus ada tunjulan samangat, panghiburan kasih, parsakutuan Roh, kasih sayang, wan balas kasihan ² sampurnakanlah sukacitaku lawan sahati sapikir, baisi kasih nang sama, diparsatuakan dalam roh, wan baisi satu tujuan. ³ Jangan malakuakan apapun matan ambisi nang egois atawa kasombongan nang sia-sia; tatapi lawan karandahan hati, anggaplah urang lain labih panting dari pada dirimu saurang. ⁴ Jangan masing-masing kawu hanya mailing kapada kapantinganmu saurang, tatapi jua kapada kapantingan urang lain. ⁵ Maraam pikiran nyiam ada di antara kawu, sabagaimana jua dimiliki ulih Yesus Kristus, ⁶ nang walaupun baisi rupa Allah, Inya kada maanggap kasataraanNya lawan Allah nyitu sabagai sasuatu nang harus dipartahankan. ⁷ Sabaliknya, Inya maulah diri-Nya kada baisi apa-apa wan mahambaakan diri sama lawan budak gasan manjadi sama lawan rupa manusia. ⁸ Dalam kaaadaan-Nya sama lawan manusia, Inya marandahakan diri-Nya lawan taat sampai mati, bahkan mati di atas kayu bapalang. ⁹ Gasan alasan nyialah, Allah talalu maninggiakan Diri wan maanugerahaakan lawan-Inya ngaran di atas sagala ngaran ¹⁰ supaya dalam ngaran Yesus, satiap lutut bartelut, nang ada di bumi, maupun nang ada di bawah bumi ¹¹ wan satiap ilat mangaku bahwa Kristus Yesus adalah Tuhan , gasan kamuliaan Allah, Sang Abah! Allah Bagawi di Dalam Kita ¹² Karana nyitu, Dansanak-dansanaku nang tarkasih, sabagaimana kawu salalu taat kada hanya katika aku ada lawanmu, labih-labih wayahini katika akju kada lawan kawu karajaakan kasalamatanmu lawan takut wan gentar. ¹³ Sabab, Allahlah nang bagawi di dalam kawu, baik gasan mahandaki atawa gasan manggawiakan nyapa nang manyanangakan-Nya. ¹⁴ Lakuakanlah sagalaannya nyitu kada manggarutu atawa bahualan ¹⁵ supaya kawu kada bacacat wan kada basalah, sebagai anak-anak Allah nang kada tercela di tangah-tangah generasi nang bungkuk wan sesat nyia, sahingga kawu banyala di antara buhannya sebagai tarang di dunia. ¹⁶ Bapingkutlah pisit lawan Firman kahidupan supaya pada ari Kristus, aku baisi alasan gasan baharat-harat bahwa aku kada bukah lawan sia-sia wan saing bagawi lawan sia-sia ¹⁷ Sakalipun aku harus dicurahakan sama lawan cawan persambahan di atas kurban wan palayanan imanmu, aku arai wan basukacita lawan kawu sagalaan. ¹⁸ Asing sia jua kawu, lawan alasan nang sama, baarailah wan basukacitalah basama-sama lawanku. Paulus mautus Timotius wan Epafroditus ¹⁹ Dalam Tuhan Yesus, aku baharap lakas ulih mautus Timotius ka kawu supaya aku dihiburakan kabila mandangar habar manganai kawu. ²⁰ Sabab, aku kada baisi urang lain kaya inya, nang tulus mamuliaakan kesejahteraanmu. ²¹ Sabab, nang lain hanya sibuk mamaduliakan kapantingannya saurang, kada kapantingan Kristus Yesus. ²² Kaya kawu tahu, Timotius talah mambuktiakan dirinya baharga, inya malayani lawanku demi kamajuan pambaritaan Injil kaya saurang anak lawan abahnya. ²³ Karana nyiam, aku baharap ulih mangutus inya lakas imbah aku mangatahui apa nang pacangan tajadi lawanku, ²⁴ wan aku parcaya lawan Tuhan bahwa aku saurang jua pacangan lakas datang kapadamu. ²⁵ Akan tetapi, aku bapikir parlu jua mautus Epafroditus kapadamu. Inya adalah dansanaku, kawan saparjuanganku, dan jua urang nang mambawa pasan kapadamu wan nang malayani kaparluanku. ²⁶ Sabab, inya marinduakan bangat ka kawu sabarataan wan susah bangat hatinya karana kawu mandangan bahwa inya garing. ²⁷ Mimang, dahulu inya garing bangat sampai handak mati, tatapi Alah manunjukakan balas kasih lawan inya wan kada hanya lawan inya, malainakan jua lawan aku supaya dukacitaku kada tasusun-susun. ²⁸ Karana nyitu, aku jadi samakin handak mangutusnya pulang kapadamu supaya kawu ulih basukacita katika malihatnya lagi, wan bakuranglah kakhawatiranku. ²⁹ Sambutlah Epafroditus dalam Tuhan lawan hibak sukacita wan hormatilah urang-urang kaya inya ³⁰ karana inya handak mati demi pakarjaan Kristus; inya mempertaruhakan nyawanya gasan manggantiakan bantuan nang kada ulih kawu bariakan kapadaku.