Salam mulai Paulus wan Timotius ¹ Mulai Paulus wan Timotius, umat Yesus Kristus, hagan sagaalan urang kudus dalam Kristus Yesus nang ada di Filipi wan hagan urang panjabat jamaat sakalian majalis jamaat. ² Anugarah wan damai sajahtara matan Allah, Abah kita, wan Tuhan Yesus Kristus manyartai kawu! Pamandiran sukur wan Doa Paulus sagan jamaat di kuta Filipi ³ Aku basukur hagan Allahku satiap kali aku maingat kawu. ⁴ Dalam doaku hagan kawu sagalaan, aku salalu bardoa lawan sanang. ⁵ Ulihnya gawi sama nang kawu bariakan dalam habar Injil matan ari pamulaan hampai wahini. ⁶ Aku bujuran parcaya pada nang imbah mamulai gawian maih diantara kawu, inya jua nang handak manyampurnakannya hampai ari Yesus Kristus. ⁷ Talah sapantasnya aku marasa sing sia tahadap kawu ulihnya kawu sabarataan ada di hatiku. Maih wayah aku dipanjara atawa wayah aku mambariakan pambilaan wan panaguhan handak Injil, kawu talah manjadi kawan lawan aku dalam anugerah Allah. ⁸ Allah adalah saksiku, batapa aku kaganangan kawu sagalannya dalam kasih Yesus Kristus. ⁹ Ngini am doaku: Kiraannya kasih kawu samakin batambah-tambah, lawan pangatahuan wan sagala hikmat: ¹⁰ Wayahnya kawu dapat mamilih napa nang tamaaih; supaya awak kawu tulus wan kada bacacat wayah hari Kristus; ¹¹ Wan dihibaki lawan buah-buah kabujuran nang datang malalui Kristus Yesus hagan kamuliaan wan pujian hagan Allah. ¹² Dangsanak-dangsanakku, aku handak kawu tahu pada napa nang talah tajadi wadahku justuru talah mambawa kamajuan hagan Injil. ¹³ Sahingga sabarataan saluruh pangawal istana wan samua urang layin tahu pada aku di panjara hagan Kristus. ¹⁴ Sapalihnya ganal dangsanak saiman nang batambah parcaya awan Tuhan ulihnya pamanjaraanku ngini, manjadi labih wani mahabarakan Firman Allah kadada rasa hara. ¹⁵ Bujur, ada urang-urang nang mahabarakan Kristus ulih iri wan pasaingan, tatapi ada jua nang ulihnya handak maih. ¹⁶ Buhannya nag baniat maih diulahnya ulihnya kasih sabab buhannya tahu ulihnya aku diandak di sia hagan pambilaan Injil. ¹⁷ Pas nya nang bamaksud kada maih, buhannya maulahnya sabab kahandak egois, kada tulus wan bapikir buhannya dapat manambah kasulitan hagan kawu salawas aku dipanjara. ¹⁸ Imbahtu apa hasilnya? nang pantingnya adalah lawan cara napa haja, maih lawan kahandak pupura atawa niat bujur, Kristus dihabarakan, wan hagan ngitu aku basanang. Ya, wan aku handak tarus basuka cita. ¹⁹ Ulihnya aku tahu pada maliwati doa-doa kawu wan partolongan Roh Kudus Yesus, napa nang talah tajadi wadahku justuru handak manjadi pambibasanku. ²⁰ Kahandak nang kaya ini adalah aku sama sakali kada mandapat supan. Sabaiknya, aku mandapati kawanian panuh supaya Kristus, sebagaimana wahini wan salalu, di muliakan dalam awakku, maih dalam kaadaan hidupb atau mati. ²¹ Ulih haganku, hidup adalah Kristus wan mati adalah kauntungan. ²² akan tapinya, jaka aku harus hidup dalam awak ini baarti aku handak bagawi manghasilakan buah. Imbahtu, mana nang harus aku pilih aku kada tahu. ²³ Aku takapit, di antara dua pilihan ngini. Kahandakku adalah maninggalakan hidup ngini wan basama Kristus, ulihnya ngitu jauh labih maih. ²⁴ Handaknya tapi, hagan kawu , handak labih barguna bila aku tatap hidup dalam awak ini. ²⁵ Lawan kayakinan ngini, aku tahu aku handak badiam lawan kawu barataan dami kamajuan wan kasanangan kawu dalam iman. ²⁶ Bilanya aku bulik lagi kawadah kawu, handaknya kabanggaan kawu handak batambah dalam Yesus Kristus karana aku. Basatulah wan tataplah barjuang. ²⁷ Mungkin damikian, hiduplah lawan cara nang layak hagan Injil Kristus supaya bila aku datang wan tatamu lawan kawu, atawa badiri taguh dalam sauting ruh, lawan sauting pamikiran, hagan barjuang barsama-sama lawan iman pada Injil. ²⁸ Kada bulih biarakan kawu ditakutani pada musuh-musuh kawu, ulihnya ngitu adalah tanda jalas kahancuran hagan buhannya, tatapi kasalamatan hagan kawu, wan tanda ngitu pada Tuhan. ²⁹ Sabab kami Kristus kawu talah dikaruniakan kada ngitu haja hagan parcaya kainya, tapinya jua hagan mandarita pada inya. ³⁰ Ngitulah sababnya kawu mahadapi pagumulan-pagumulan nang sama kaya nang lihat aku hadapi, wan nang wahini kawu dangar aku masih sadang maalami.