¹ Waktu masa ngen, Raja Herodes ngangket baring iyek ka atu belana teng jemaat yak ngkenaya belaye'k. ² Iyek ngumes Yakobus, dingan Yohanes ngan pedang. ³ Waktu Herodes ninget ngan tinyem bahwa prilaku iyek ngen madak awan ate na Yahudi, iyek nglanjut ngan nakap Petrus ngak. Kejadian ngen pas Hari Raya Roti Iyek Beragi. ⁴ Dudah iyek ngen nakap Petrus, lalu kunak napok ka diyeb penjara lalu kunak mingkat'n ka berempat pasukan prajurit, lalu kunak mebet'n ka adap na berudah. ⁵ Lalu Petrus kunak nahan ka diyeb penjara, tapi doa nyah Petrus pedet kunak nganyuk ka Jubata teng jemaat neng adek. ⁶ Waktu ngarep ngen, pas Herodes yak mebet'n Petrus ka luwes, Petrus gik guring ka kumang due orang prajurit, kunak ngkebet ngan due rantai, belaye'k penjaga ka depan agik ngawas penjara. ⁷ Tinget, adek malaikat Tuhan tagetn jeket Petrus ngan nsilap mancar ka diyeb sel penjara ngen, lalu malaikat ngen ncolek rusuk Petrus lalu ngkeyek iyek ngan metek,' Cepat angket!" Lalu rantai-rantai ngen kinah terlapas teng kedue baring iyek. ⁸ Lalu malaikat ngen muah ka iyek, tingkebet apang ko ngan tingansum sandalmu. Iyek muat jengen. Lalu iyek muah ka Petrus," Tingansum keh jubah ko lalu ko nunek ken!" ⁹ Petrus keluwei lalu nunek malaikat ngen. Iyek ayab bahwa ani neng terjadi lewat malaikat ngen benei, cuma ngira bahwa iyek ngen ninget satu peninget neng gaib. ¹⁰ Waktu belaye'k dah lalu, penjaga pertama ngan kedue, belaye'k iteng ka pintu gerbang basi neng nuju ka kota. Pintu gerbang ngen kebukek kadadep nyah belaye'k, lalu belaye'k keluwei lalu mayan sampe iteng ka lorong, ndadak malaikat ngen bo ninggel Petrus. ¹¹ Waktu Petrus sadar ngan ani neng terjadi ka iyek, iyek metek, " Nusa'a, ken benei-benei taman bahwa Tuhan ngutus malaikat nyah nyelamat ko teng baring Herodes ngan smua hal neng kunak na Yahudi ngarap. ¹² Dudah Petrus nyadar, iyek lalu mayan ka diyo Maria, inok Yohanes neng kunak metek Markus, padahal waktu ngen udah belana gik kumpui berudah sambil berdoa. ¹³ Waktu Petrus ngetok pintu gerbang, adek pelayan nana beginan Rode iteng nyah mbuke'k pintu ngen . ¹⁴ Dudah iyek kenal ngan suara Petrus, iyek sangat bergembira hingga dah yek mampu nukas pintu, iyek berdedes ka diyeb lalu muah bahwa Petrus gik tagetn ka depan lawang gerbang. ¹⁵ Belaye'k metek ka Rode," Ko ayek waras!" Tapi Rode trus metek bahwa emang jengen, lalu belaye'k metek," ngen nen malaikat," ¹⁶ Petrus masih ngetok kekeh, waktu belaye'k mbuke'k lawang, ninget Petrus, belaye'k terkejet. ¹⁷ Cuma dudah Petrus mingkat'n isyarat ngan baring madak Belaye'k tenang, iyek njelas ka belana kuna Tuhan dah mebet'n iyek keluwei penjara. Iyek muah,"Tinyampai hal hak ka Yakobus ngan dingan neng nyeiman." Lalu iyek berangket bo ka badah neng lain. ¹⁸ Waktu tudek ari iteng, adek kekacauan neng ayek amuk ka antara para prajurit tentang ani neng dah terjadi ka Petrus. ¹⁹ Waktu Herodes ngajo Petrus tapi ayek njumpa, iyek mriksa para penjaga lalu mingkat'n printah madak ngumes belaye'k. Lalu Herodes disah teng Yudea te Kaisarea lalu diam ka ngen. ²⁰ Waktu ngen, Herodes sangat gentek ka belana teng Tirus ngan Sidon, lalu ngan pakat, belaye'k iteng ngadap Herodes, dah mbujuk Blastus, na neng ngurus diyo raja, belaye'k mai mohon nyah kedamaian kerna wilayah belaye'k ngaik pasokan uman teng wilayah Herodes. ²¹ Waktu ari neng tlah belaye'k nentu, Herodes minyah pakai kerajaan, ijuk ka tahta pengadilan, yak nyampe pidato ka belaye'k. ²² Na neng berudah ngampak,"Hak ngen suara Jubata, uken't mensia!" ²³ Waktu ngen ngak, nyeorang malaikat Tuhan nampar iyek kerna ayek mingkat'n kemuliaan ka Allah lalu iyek kuna inong'k uman, lalu kubes. ²⁴ Lalu firman Tuhan makin berkembang berlipat ganda. ²⁵ Lalu Barnabas ngan Saulus urek teng Yerusalem dah belaye'k nyelesai pelayanan ngen, sambil mebet'n Yohanes, neng kunak nyebut Markus.