¹ Ñēē me'ēãvã tynondeva reko jyve marãrapo õmomba'ea Ñanderu Tumpa, oo ijeshahavape yvy īãrē'õ. ² Japoha oo trapokue haereka mymba pirekueivi rekova mõkue ñyvyī, pēnte ñyvyī hai paire hoorã. haipe'ē; tata tata hēnda, mesa īãrē'ē pãhã me'ēavã Ñanderu Tumpa pevarã. ³ Hãrã ñyvyī mõkuehea mbijicheha Ñanderu Tumpa haereka paire pevarã, kova ñyvyī tivisha'õ mbija'oha sãvara tivishava mbysavavapy (cortina). ⁴ Hãrã ñyvyī tivisha'õ Ñanderu Tumpa haereka paire pevarã mbijicheavape'ē: Pēnte me'ēã hapya verãpe, mbai pishashe katuva, ñēē¿ me'ēãvã ēpya (arca) oroivi japoava, haipy'ē kambushi mishīvã mana ēpya, Aarón jy'yvyra hokyjy vekua haereka mõkue ita ēhea 10 japoa verã. ⁵ Hãrã ñēē me'ēãvã ēpya (arca) īãrē'ē mõkue Ñanderu Tumpa jokueva rã'ãnga vevera vekua mbytepe heshaka verã Ñanderu Tumpa haipe 'ēvã, haire hypepore opa jocha ñēē me'ēãvã ēpya (arca) jasoja; opaite kova japohaverãre, katuã pepēnteī ījetahe. ⁶ Kyrã japoha kova mbai opa'ēverã, hãrã oo tivishava paire pevarã mãirã oo ñyvyī tivisha'õ penteva, pai retaī iche haipe arope, õmombai vasu verã Ñanderu Tumpa. ⁷ Tēvã oo ñyvyī mõkuehea hai Ñanderu Tumpa haereka paire pevarã, pai ruvishaī katu iche pēnteī, pēnte ãñope, raha ñoīpo mymba jukahava huvy, mbai porãmba japo vekua rehe haereka opaite Israelvare japo vekua, haire kuambape. ⁸ Kyrãvai piãra pytuhe kavii ia mbe'u kãvi pare shu hara pẽpy õiihavape heko kyambã añẽnteva (heiise Ñanderu Pumpa õõpe) ndei teri ijechaka ime teri ẽẽ voka õõ ñymbatyhãsevape. ⁹ Kova pẽara Ñande taỹkue jahava ainy pẽẽnte mbi vavãchẽhava turũmba hũũvype kuimbaire hãreka tapỹre potãã jahe kavĩte pya mbijetã kuera (conciencia) mbyvẽte tẽẽva Ñanderu tumpape kava raha shuva tõvype (culto). ¹⁰ Koava japõha vera ñahẽndu rãva timbiu ãkuãva ha'e mby'yha hara ñandy rẽte jãhe vera rehe, japohãka vẽkua, vããha pevẽ kova ara õõpa mbypy'ahuã jyvera kova japoha verajy (tyro'o, tyvete) ryhevai. ¹¹ Hããsẽẽãra Hesukristo õuma pa'i vasu añẽntevaraimi vẽẽru vẽra ãra ryhẽva mba'e haikaviva hãra Tumpa hõõ (iglesia) ha'e mopuãva hare ha'e mba'ãpovape ha ẽa kuimbai hãreka tapỹpe jãpova ha'ẽa aiiva Ñanderu Tumpa teii jãpovekua hovy ka'ẽ vai. ¹² Hesukristo ichẽa avichavãsu maira vaka ra'y huvy ryheve kõõva õõvaãsu mbijiche hava Ñanderu Tumpape Pa'i vãsu pevara huvyite ryheve jyve iche penteii hipityvẽra tentãvare pevara kova (salvacion) jypysỹ kue opambãva (Salvacion) ¹³ kova avishavasu hare toro huvykue hareka vayuija ñytanimbakue hapyava mamaky^ hãpy porãmba japovare poru haī my^pointevevã kuimbai hareka tapype hete. ¹⁴ Hesucrito rãnga huvy me'e, porãmbape o ambava, Ñanderu Tumpa Espiritu Santo pyrãnta opamba verã opamba verã, hai huvy rãnga ko me'eava añenteva Ñanderu Tumpa pevarã,hame ranga ha'einpo my^põnti nandypa rakua porãmbavaivi ñamba'aposhuverã Ñanderu tumpa hykove'iape. ¹⁵ Hamera Hesucrito pyta ñanymby'pya penteī hare py'ahu ijateeravã,hai manorã ha'era mbaishi (operdona) voka porãmba japova ñanymby pya penteī tynondeape hare takykue õvãre heno avape hipityverã ko tykove opambaverãvã Ñanderu Tumpa mbe'uvekua. ¹⁶ Pente kuimbai mbai potava, hai ndei manorã, jypykuaakue mbypara verã pente kuatia ñere (testamento) Japo averã õiva rãimi japovekua manomarã, hai pota mbyparaha õivãraimi ngati. ¹⁷ kyrãvã kuatia ñe'e ajetein Jyve japovekua manomarã, japovekua īmeīteri irã ma'ēhaterihe. ¹⁸ Haira hai ñy mbypya pẽnte. tynondevare porãpo jyve turuvymbape. ¹⁹ Ñymbeu reta, pepẽntei japomauẽkua Moises jopoma vekuaivi, pysyma vẽ kua Avisha haakue pỹntava haereka pẽnte soryva hãnka makyhã verã, vakaray haereka Avishavasu huvy kuepy. Jihiave kua jy. Haima mbypypy kuatia ñeẽ japoa vekua ryheva hãrã Israelpe hare ñymbatyvare rehe haima hei: ²⁰ Kova hai ñymbypya pẽnteĩ jya ryheva (pacto) Tuvy Ñanderu Tumpa my ãñete ñandeuekua Ñande pevarã ²¹ Haima hai maky jyve Tuvy pe (tabernaculo) ñymbaty hasepe haereka opaite pory varetape. Haima poryhava ñymbaty haseuape japo avape. ²² Ajete opaitevamãi nãnga joheha Tuvype; Moises japovekuapy heiva rãimi. Haira ĩjetambape Tuvy mbape mba'aty mbaishiva (perdon). (Levitico 17:11 Efesiope 1:7) ²³ Hamẽ meẽ hava yapoha vekua. Hama hesha hãka mãvẽn kua ara pyhoõ ta anga pe, mby haika viayy, pota vakavã mainunga inmeẽ orã py Hame pota heẽ jyvẽ meẽ haikaviva. ²⁴ Hesukrito i cheã oipe iyeshavape Hame kuimbai reẽ yapovekua Homa õvava ranga arãpy hoivape. Hai, iche yyyveẽ avape Ñanduru tumpa hyndonde ñandy reeipe. ²⁵ Hesukristo ichea heta meẽ havape hama pai ivasureẽ japovarãn mii icheva pente año hame ovasu ipe mbiyi cheava Ñanderu Tumpa hama pai vasupevarã hame tyvyi hai mba ñaã pova ryheve. ²⁶ kyrããrã Hesukristo manora mano jyvyin mba pokuee ko yvy japaa ra venkua hã hẽ katy opa hama ara atyvasu hai teiva meẽ haa hama pentre jyvyin operdona shu tenta vansupe õrẽ japo pora mbavarẽ. ²⁷ Kumbai rete hae reka tayperẽ mano vera rãmipo jyhamerãpo ikopo kui ñimbi va cheava. ²⁸ Kyra jyve Hesukristo meẽ he ha pentevavãi mi jy rã ha verã heta mbai oira mbaa: Hame hoi ou jyra hou vea mapo rahã kui kuimbai reta hoẽ reka taypere japovai mbai oira mbã ou jy ñoipo kui rahavera mondo jepeverã hoe reka haro kavi hova