¹ Hamerãnga, jahava tynonde jasyryjahapeve tykove pyrahuva, hama porãpojy aryka'e pyrymbo'eahevekuãī pyrymbo'ea jyherã, ñañimbasy porambava jajapovekuara Ñanderu Tumpape te jairoja verã. ² Ñy^my^ngarai, tepo ñonohã pente kuareta ñaka īãrē momoma tevã, py^ãjy hare ñimbivache verã opo'ara. ³ Kova jajaporã Ñanderu ñanymbory. ⁴ Katuãpo, opajepema kuakuare oaprovajepevekua ñeē vateivi ouva, hare me'ēhã jepeshu Espiritu Santo. ⁵ Hare oaprobajepe, Ñanderu iñēē haikaviva ñanduva arete vasuva pu'aka. ⁶ Haivi poijyshi Hesukritorã, katu veãmãpo iñy^mbyasyitehe japovekua hare porambava japova mbasavava jy jykurusu Hesukrito mymarãka verã. ⁷ Hãī kookue ama pyteva rãīmī, heta ara oa īãre haipe heñojy timītyre, vakava mbyvy'a ko ija hipyty jy Ñanderu jyparekokue. ⁸ Haipe heño kapi'anti haereka ñana porambava mbyteperã, koo ija mbyvy'ã'jyve. Jypejuhe jahehe ikorã haipema pota opahapy. ⁹ Shy ryvyre ahauhuva, ore ijetaha phyperã, ore harõha pyvavata kavire pehoverã, kova ñanymbondojepeva (salvacion) pee. ¹⁰ Ñanderu japoã mbai hekopekavimba hame hai sareã jyve pee pijapokavi hare pypareko hare pyheshaka hai heepe, pypytyvõshuretara vekua pandapisharetape, hare pypytyvõ teri peho ã'ē. ¹¹ Ore potaha pepentei piñymykyrey^he, kova pipyty verã jyve jarojakatu ñaivã (esperanza) ru'ã. ¹² Avy pyñymatey^he, peñehapo pipity jyroja haereka pyarehei'iva (paciencia) rupi Ñanderu mevērã, hai heima mēe ñiverã. ¹³ Ñanderu mēe iñēē Abrahampe, mēe ijehe mba'ety vateve'ēshiva. ¹⁴ Hai hei Abrahampe: "Shee po arerovasa ambyhetaitevepojy nday kue'ovare" (Genesis 22:17) ¹⁵ Haivi Abraham puku harõ hipity peve hai he'iamambashu me'ēa ñishuverã. ¹⁶ Yvy iarē õre mēe jyve iñēera, me'ēhashu pentei (terã) tivishaveshiva opa verã ñee ijijapi'iva. ¹⁷ Haipe Ñanderu my^añetehai heivekua pente iñee rupi (juramento) Abraham katupo hipitykui, hai hei shuvekua okambiampo. ¹⁸ Haipe mokue ejy^ okambiãmpo Ñanderu pota mbishaka hai japu mbava. Haereka hai ñanymbypyakatu hameranga jajijoko hynatuve jaha jairoja katu (esperanza) rehe jarekova hai rupi. ¹⁹ Kova Ñanderu mevērã rupi ñandykove hipity añeteva ko varko vasu ñapintīavã rãīmi, insha īmbareteva symyi hare omymbava (ancla) kyraipo jyve ñande hynatupo jajyjoko kova me'ēãverã ryheve aīñapintiva kova o vahejupeva ambysavava kupepe vate'õ. ²⁰ Haipo Hesukrito iche ary^ka'e ikoverã opa ara pai vasurãimi (sumo sacerdote) Melquisedec, heko ryheva rãimi ñonokaviverã pe ñande jaiche verãpe.