¹ Hameara ñaimoãpo, ñahãrãñaía potápa ñanashi Ñanderu hape abypo ñanashi ara Ñanderu henta vasupe hanyshe penteé pymbytepe taykué pytaverã ² Ñande mbeujyve jajepeverã heshara haíre ñẽhendua roja reta ñaharañaíva pytareí hairepevarã tevekua ³ Ñande jarojarã jaichepo handi putuvape, hai iñẽpe hei ñandeva jykuatiape: hameara shyposhy shiñe amepe haire ichẽãpoi apytuvape; ko apytuvaraimi arykai yvy ajaporãvekua opaiteva yvy iare õre (Salmo 95.11) ⁴ hei Ñanderu putuu 7 ara opa japovekuarã (Genesis 2.2) ⁵ hai hei jy iche eiteĩpo apytuaivape (Salmo 95.11) ⁶ Haima jaikuaápo imeẽ icheverãrã putuuhaverãpe, ñandeypyre ñehenduarã haẽã ichepo pytuúha heape ⁷ hameara Ñanderu ñonojy pente ara hei ika ñande David rupi; ko ara kurivea marãrã hendushureta, Ñanderu iñé avy ndypyavasu (Salmo 95.11) ⁸ Josue mesherelarã tarã meẽ heamapo yn ngaretape Ñanderu mbeuveamatevera ynga ara ⁹ Hameara imeteri é sábado Ñanderu mbyputuverã heta irure ¹⁰ Haima icheva Ñanderu putuéva vokaã putujyve japovekuavi Ñanderu putúva rãima japovekuaivi ¹¹ Akuarã ñareishu jaicheverã Ñanderu putu évape abypo oã oã ñehẽndu mbareraimi ¹² Ñanderu iñeẽ pyrãta haákuave kyseivi mokue haimbeva hai mbysyry ñandy hevirã ñankove mbijetava (pensamiento) ñandy pyape jaipotava kavereta. ¹³ Mbaéty yvy iare iare Ñanderu heshambaverã hesa rupive imerae á nanilei ai hesa hynonde hai mbivache maerã jy arapé. HESUKRISTO HAI PAI VASU ¹⁴ Ñande jareko pentei paivasu icheva arapy. Hesukristo Ñanderu tay hameara jairoja hatu te hé ¹⁵ imeranga jare pentei paivasu mbasy ñandyrehẽ ñany kangy ñaira hai hasaijyvehe hetava jahasañaiva aé kyrãteva hai japorã poramba ñande ajemaipo kyrãkahã, haitevara oãmba arykai porambape. ¹⁶ Hameara ñavahẽ jairojaherã hameara japitypo vapyape ñandypareko hame ñandy pyvapypo hai ñandy mborypo jakoteve ñaina.