¹ Ñande jareko ñandijere re avapyntu raimiva heta heshahava jyrojaiteva, haima jaheky ñandijuhuvi opaite mbai ñandopyva hareka ma'imba ñandireheva, haimajy mba porãmbava pota ndypysyva hareko ñananipo jaha mbevekatu (carrera) ñoñohãva ñanynonderape. ² Hareka ñamaipo Hesure, haivi ou ñandy jyrojakue hai mbyhaikavi, haivi ñañepyrõ jaroja, haima hai handipo ñãvahe jaha jyrojakue japype. Hesu hãrõ'ē vy'ape oushuvērã, haima hai hasa'asy, ñynontimba manova Kurusure. Haīma ã'ē hai vapy'ē Ñanderu Tumpa hyvache. ³ Py pya pimbijeta kavi Hesukritore, mãrãra hykove porãmbare, potãī porã ñanoshu, hai reko mbarete, potã pyndykove kangy hareka potã pyndypya mano. ⁴ Ndei teri pee pirãrõ porãmba handi noheha peve puruvy (Lucas 22-44). ⁵ Haima pee pyndysarehe pymbo'eahe ndypya kangy Ñanderu Tumpa nunuparã (Proverbios 3: 11-12). ⁶ Ñanderu Tumpa pohy mbai hai haihuvape hareka ñūupa ta'yrã reva. ⁷ Haikavi peevarãi ranga Ñanderu Tumpa punūupa, hai potate ta'y^rã pyreveramei imera'ē tyray, tuu haihumba, iko kaviverã. ⁸ Haima Ñanderu Tumpa punupãarã. Hai japova raimi opaite tayre handi, kyrããrã pee ha'ēã ta'yiteva, tay ran'angaī pee. ⁹ Pymandua kavihe Ñanderure yvy pe'õ ñanunupa terã, ñande jakyjea shireta, mãrãirapo kyrãrã naimimishī Ñanderu Tumpa hynonde imē teri jaira. ¹⁰ Hairanga mbovy ara ñanunupa taiti kyraī jyveshureta kova ñanymbo, hareka ñanunupãha ñandy reko kavi vērã, hareka ñandy reko ova minte verã Hesukrito heko kavi. ¹¹ Añetemara opava ñunupa jahasava ñanymbyvy'ãpo, hasyte ñande, teeva haivipo ou haikavi hareka pyakavi opaite jypykuaava reta pevarã. /s 12 Opaite mbyjicheva Ñanderu Tumpa jyhaihu ¹² Pijakatu py ndyrape ñaapeva, potã py ndepyre ñaape, tykuera kyve. ¹³ Pijakatu py ndyrape ñaapeva, potã py ndepyre ñaappe tyjuera jyve. ¹⁴ Peñehãapo piko verã vyape opavare handi hareka piñyheko mboi kavi, kova mba'etyrã mba'etypo heshava Hesukritope. ¹⁵ Hareka pingareko kavihe pota pynynmbytepe ime'ē mbijiche varã Ñanderu Tumpa jyhaihu hareka hai mēēva (Hesukrito) hokava ikopo piko kavia papishare handirã, kyrãvã heko pymykangy po hareka, pynymagatuã hareka itypo heta hapishare. ¹⁶ Avypo ime'ē pyny paūpe pente Ñanderu Tumpa poisha, Esau raimi ikova; karu kavi veraī ha ovende tay tenondea heko (Genesis 25:31). /s Apo mijijeva Ñandeja jyhaihu ¹⁷ Pikuã rangã jyve ãramba, Esau potã mbava ha'ãve hipity jyve tu'u mbai'y kaviva tu'u mbyjyje mbaju ãrykai, hetamba ja'eõ heka tu'u mbãi'ykavi meshu pevē shyve: Ãitēa mbãi'ykaviva meajepe mbãshu õpa jarobope. ¹⁸ Pēe peja ãrykai ybyturusure'ē (Israelpe'õa reta rami), ha'etembava pokoã'vera ēvape tata hēndy, abapyntu huvã viti. ¹⁹ Hara pyhendūa mbopyãva (trompeta) hi'ashua haivi Ñandeja iñe'ē. Haramba Israelpe'õa reta jururē ãsymba retã potavē'a hãi ijeta shuretarã. ²⁰ Haire katua jepy'e Ñandeja iñe'ē hareka opaite hai heivekua turumba retave pokohe ybyturusu rerã tyjukaha ityahe itakue manopeve verã. ²¹ Hare mbyrymyngyjeitera akua heshavare kova mbai Moises jepe hei opa argry akyjeritera. ²² Pẽe Katy piñimboja jyve Cerro Sion re Ñanderu Tumpa hykojevy tentavasu re hai ranga Jerusalen ara pe ova hara pyvahe 10.000 kuera ara jokuevare hendape. ²³ Hare pyvahe iglesia re oavekua hendape. Here mbypara vekua arape hare pyvahe Ñanderu Tumpa (oporombojovakepava) mbivacheva hendape hare akua ñymby heko kaviva (Espiritu) Pytu kaviva hendape. ²⁴ Haipe ime'ẽjyve Hesukristo mbivacheva Ñanderu Tumpa hare tay reta hare tajyreta piñymbypya pẽntei jipity pyahuva imeramei me'e huvy japity kuavera pe perdon huvy ijeta kavive Abel huvy vi. ²⁵ Pingareko kavi avypo mimbichiche Ñanderu Tumpa pe piniñe renduashare. Hai ijetama ẽ pera. Akua ñimbichiche shi vekua katua kañi hai ijeta e shureta yvy iare hame mararapo ñande ñakañijy ñañimbichiche tava Ñanderu tumpaivi ijeta ñandeva ara guive. ²⁶ Akua ara haipe Ñanderu Tumpa iñe pyrypo yvy hai heijy pente jyteri she amy omypo ha'ẽa yguiva ampo ara reta jyve. ²⁷ Kova ñe rupi Ñanderu Tumpa he'ise hai kekypo pente jy akua mbai my amyave kua ñano jyvera hendape akua mbai my amya mbavera. ²⁸ Akua tẽtarã Ñanderu Tumpa me ñande vera amymbavera hame ranga joagradece hare ñaniñe rendu poshu ñambyvyajyve pya mymishi hare kyje rehei. ²⁹ Ñanderu TUmpa rãnga tata opa pyrỹmỹhãtãpyva.