¹ Shy ryvyre jai jai hupo jy pareko aeteva re. ² Avy pỹmboty shi pyndero pyny mbuhupava hareka heky vekua õo ñỹmby hupa pe vara myvahema ñymby hupa mbau oe ara jokueva kuambape jyve. ³ Piñy mymandu'aka hare cercel pe joroja iare pẽ pime handivare raimi carcelpe hare akua hasa asy vare pe jyve piko teri hare pyndyretepy jo yvy iare. ⁴ Pe mombai py neme re heko hare pẽ pemendava avy piñyngyava hare myngya vape ime heko. ⁵ Avy piko opaite kateỹva raĩmi, kyrypotĩĩ heka'ia, pyvy'aĩpo mbai ĩmẽ pyrevare; shara Ñanderu Tumpa hei: She mapeãpo apoi pyndyhevi hareka mãpeãpo apyryreja reiikui. ⁶ Jaipo jyve jairojavape hareka jakyjembape: Ñanderu Tumpa rãnga shymboryseva hãrã akyjeãpo: Mbaivara katu japo shyrehe shapishare. ⁷ Piñymymanduahe pyndy karai kuakuava rehe, pyndyreko mboihe Ñanderu Tumpa ĩñẽẽ rehe, hareka peñehãã piroja kavi hai reta jyroja haviva rãĩmi. ⁸ Hesukrito rãnga ingaihai jyvavya pentevai kararape haima ara atyvasu pevarã (por los siglos). ⁹ Avy pesha Ñanderu Tumpa kuati'añe'ē heko mbo'evi pysy pyrymbo'eva yngaiva haima Ñanderu Tumpa ha'ereka mba'emba. Haikavipo piñe'e mypyrã ohova Ñanderu Tumpa jyhaihu añeteva ryhe haima japoava timbiu ryheva hakykue kova katua mbyheko kavive. ¹⁰ Ñande Israelva retanga jareko pente mehava henda shuvi katumba karu haima mba'apova haereka õ tontavape. ¹¹ Haima mbymba huvekue Israel po'ivasu imere Ñanderu Tumpa ho vasu pe'avera Israelvare haima ipa'ivasu mbaiporamba (pecado) haima mbymba hetekue katu apyha Israel ikoipe iko iape. ¹² Kyrã Tumpa mano tenta vasa pe (rekove katuape) mypoti vērã huvy rupi kuavetare. ¹³ Harã meara ñahē Tumpa Ray mendape tenta guasure katuape jahasa asy handi vērã. ¹⁴ Kope ranga mba'ety jare kyrãva tenta vasu harã jaheka ñaivã ouñoipu. ¹⁵ Kyrãpo Tumpa Ray rupin jaikuaave ñande me'ē'ãva omoba'eava ryheva ñandi. Juru rupi Ñanderu pevãrã. ¹⁶ Pymbaryhe hare pimbijao pa'ãnpoa papishare handi kyrãva me'ēava rupi mbyhory Ñanderupe. ¹⁷ Piniñe rendusha kuakuava (anciano) retape piñyño haire ipope haire tarãnga ñynga reko Ñandyrehe pikua kavipo haire me'ēpo kuenta pyrehe Ñanderu hynonde haire japovērã kova Jupoava (Tumpape) vy'ape avypo py'ãhē avypu ojepy'apype. Karãrã poranpope pe pevara. ¹⁸ Pimbai yryrehy jyrojaha ranga ore rekoha pente py'ape ñe'ē haikaviva hemby ore oñehã'ãvērã ikõavera hekope opambiape. ¹⁹ Airurepe pikoverã kyrã poiashyhevyvērã arēa. Arēami aiko jyvērã peī handi. ²⁰ Ñanderu hai py'a kavi ija hai myngovejymave kua Tumpa Ray manova mbyteivi Ñanderu rãnga avisha reheva huvy rupi. Ñandypya mypentei Ñanderu hãndy. ²¹ Tumpa Ray tyme'ē mbai kuaakua opaite rijapova haikavi pijapo hai potava hai typory pykove hai potavaraimi tomomba'eashu Ñanderu pe'ãra ñymbatyavasupe peve ara ñymbatyavasu peve (kyrapokui) (Amen). ²² Airurepe shyryvyve pijepy pehohēvēva mbe'uava ambypora pēn kova kuatia iñe'ēpe kova rupi she ambeupope. ²³ Pikua Timoteo poihamai hai hãrã hai ou handi she ahase peīvãpe. ²⁴ Pymarandu opaite pyndy ryheva opaite Jyroyavare Tumpa Ray re. Ita liayguakuera pymarandu jyve ko. ²⁵ Ñanderu Tumpa jypareko añeteva toī opaite pyrehe.