¹ Hesukristo rãnga ñande rehe poima jokuearea vekuaivi, vokava hai japo ñande jaiko kavi verã; hãrã voka vare, pynypyrãta ngãtu, avypo jokuearea raĩmi pikojy. ² Shy rẽndupi: She Pablo, hai pee hãkue pire pichĩchĩnkarã pee pevarã Hesukristo mano rei ³ She haipo jy pee, ĩmẽ'ẽ kuimbai hãkue pire chĩchĩnkava, hai ẽma japo ñoĩ verã Moise mbypara vekua heiva raĩmi. ⁴ Ĩmẽ'ẽ peeva pota oho jepeva japo i Moise mbypara vekuarã, voka syryma Hesukristo jypareko kueivi. ⁵ Ñande rãnga Espiritu haereka jairoja rupii, ñahãrõ Ñanderu Tumpa mbai porãmba japombava raĩmi ñandyre verã. 6 ⁶ Ñande ñañy mỹpente Kristo Hesu hãndirã, mba'eã he'ise ñande hãkue ñachĩchĩnkara ti mba'etyra, tẽvã tekotevẽva hai jairoja, kova jyroja rupii ñani mbi iko jyhaihupe. ⁷ Pee rãnga peñepyrõ kavitẽ ueve. Mbavara akuarã pindi joko pijapo verã añeteva? 8 ⁸ Ko jyheko mboi ouã Ñanderu Tumpaivi, hai rãnga pynypyhỹrõ jyve. ⁹ Avy pyndysare, “levadura mishĩ tẽvã opa mby ou harina mũhũ ũava." ¹⁰ Airojaite Ñanderu Tumpare pee pirojamba jy verã ỹngavare; tẽvã Ñanderu Tumpa jahepo he voka kuimbai iko ma ẽĩmba i pyreheva, jaishu ĩme rãẽ vape. ¹¹ Shy ryvyre, she apỹrymboi teri aihe hãkue chĩchĩãva ryhevarã, Judiore shy mõña mba tẽvẽrã, haima ñeẽ Kristo jukurusu ryheva ambeuva mby poshykãmba tẽvẽrã reta. ¹² Opaite iko mã ẽĩmba i pyreheva hãkue chĩnchiãva ryhevany, marãra opa hãkue hãỹre heky ijuhuvi reta! ¹³ Pee rãnga shy ryvyre piñyheno pijy jora verã. Avyĩ pipory kova jijora pijapo verã pyny mbaipota kuepe, haikavivepo piñymbory jyhaihupe. ¹⁴ Moise mbypara vekua opaite ẽẽ pẽntea pẽĩ: “Haihu nda pisha nde rijyhaihuva raĩmi." ¹⁵ Tẽvã pee pijupi pĩrãrõ haereka pijaka piva, pimo ã mahẽ pei opa pimbaikui. ¹⁶ Kova rãnga hai peeva: Piko Espiritu Santo potava raĩmirã, pijapoã po mbai porãmba pei pipotava. ¹⁷ Shara ko yvy ĩãrẽ õre potava ñymby vaisho he Espiritu Santo, hãrã Espiritu Santo potava ñymby vaisho he ko yvy ĩãrẽ õre. Monkue õre ñymby vaisho ijehe hãrã katuã pijapo peii pota pijapova. ¹⁸ Hãrã ko Espiritu Santo potava raĩmi pikorã, pẽĩ veama ipe Moise mbypara vekua heiva raĩmi. ¹⁹ Java ĩã jahesha yvy ĩãrẽ õre potava japo ia, kova reta hai: Jyreko ñimi ĩrũ mba teriape, japo i mbai kyava haereka heko porã, ²⁰ vasu ỹngava tumpa, japo paje, pyryhaihuã, ijeshatã, ñyngareko haereka poshy rei i, pota ñoi ha e paite, ñyrãrõ, pirimbijao i, ²¹ mbai pota raivi, pirijuka, ka u, karu raivi, hãrã japojy heta mbai kỹrãva. Apyrymy mandua kajyhe haima peeva raĩmi, kỹrã ia icheã pokui Ñanderu Tumpa ẽvãpe. ²² Espiritu Santoivi ny ou jyhaihu, vy a, pya symyi, ñyhãrõ kua, pya kavi, mbaikavi, tãntã jyroja, ²³ jyrojã ijehe, ñynga reko kavi ijehe. Kova mbaire mba'ety mbyparava ñymby vaisho he verã. ²⁴ Kristo ryheva retany, rahama reta kurusure heko porãmba vekua yvy ĩãrẽ õ, pya jurureva haereka mbai pota raivi vekua ryheve. ²⁵ Ã'ẽ jaikova Espiritu Santo rupii, ñama ẽĩhepo jyvehe Espiritu Santo ñani mi ĩrũ opaite jajapovape. ²⁶ Avy jairoja ñandi jehe, avy ñañy mby poshyka haereka avy jaipota ñanda pisha ña ãpova.