1 Rikuaviopo kova ara opavẽrãpe vahẽpo pogyveva. 2 Hai arape yvy iãre ẽpo kỹravare: jyroja ijavare (orgullo) haihuvare kyrypoti opaisharei ijetavare (jyroja'i jehevare) opambai heiva Tũmpare ñehendumbava turetape hareka ishype hesakua ijehe porãmbava. 3 Haihumba opavaretape oñeperdonasemba ijetarei'iva hapishare ijijokombava poshyva haihumbava mbai kavi. 4 Hapysha hova hynonde haihu rãingairea (iñamigo ramo) ku perovahẽrã mymorãjy kujepy (hova anta) opaisharei ijeta haihutevẽrã Tũmpa ray porambavekuai haihuiy. 5 Iko jyroja ra'ãngai imbijishereta haikavi haire py'ape kuan reta haikavi ohovẽra Timoteo ravyteipo pymoihe kỹrãvare handi. 6 Kyrãvã ishe ñemihape ynga ore (oga) õpe hekavẽrã tapype heko porambavare ikova hete potavaĩ japo. 7 Kova taupe opambavẽrã potakua mbai py'auva heshambava hipitimbava kua'ãitei añeteva. 8 Janes ha Jambres (mokue paje) vore oñemoihevẽrã Moisesre Kyrã pyrỹmboi'iare japu oñemoihe mbai añetevare hykove porãmbavekua joko tanta shureta opensa vaiverai hameara haire katuveama jyrojareta. 9 Hairetakaty ohopuku'apo haire kua apo mbeuvakuare mba'ẽa jehuvekuaraimi Janes hareka Jambres raimi. 10 Nde Timoteo esegipora she amboiva she avata che aipota she ahaihu añeteva chypy'areheĩ (paciencia) marãrapo ajepy pukahe shopyvaiva. 11 she shymoñahaiviva che ahasa'asy jehuvekuaipi Antioquiape, Iconiope, hare Listrape. Heta pyarã ikovekua opaishagua Ñanderu Tũmpa shynohe opambai. 12 Opai jyrojavare Ñanderuray're py'arãñoipo. 13 Haire tykove poshy pyrymbytavyva japora mbai vaive'oho haire mbytavyva yngaretape yngare mbytavy jyreta (galaciayguakuera 6:7) 14 Nde rãnga avy mijije nderikuakaviva rypyta tanta poshu rymboivare me'ẽdevekua rikuaakavi mbarara nymboi arykai. 15 Nyndei ryhevevaĩ rikuamba Ñanderu Tũmpa jykuatia ñe'epe kova nymy'aranduve oho Ñanderu Tũmpa ra'yre. 16 Opaishagua ñe ijyhaihukava Ñanderu pytu haikavivare haikavi pyrymbai pyrymbyhaikavi vẽrã pyrymyponti vẽrã hare pyrymboikavivera heko kavivare. 17 Harãnpo Tũmpa ryhevareiko hekope mbai kuave opambai japoava haikavivare.