¹ Nde ranga Shy Ray ñypyrãtapo. Ñanderu Tumpa Ray py mai kavipohe. ² Herã hai mba'erã nde ryhendu'vekua shi jurugui, heta hehavave jynonde, nde vikuaa kapo kuimba'é haikavivape jYrõjaverã harã ha'ire mbo'e po jyvereta. ³ Nde, Timoteo ñy^pyrãanta katu ñande vy^hasa porã mbarã. Ñanderu Tumpa Ray rehe sy^daro raimi hãi kavi. ⁴ Opai sydaro ohova ñyvãvope ry^mbyi vy^'a huvichape meē potava haire jãpova hepy. ⁵ Opai hãire iñyhaãiavetava ha'ivãvape, ñaniarã ha'i kaviape. ⁶ Hera koo ija mba'apo pohyva ikope jipityrã heta ikope'õiã. ⁷ Ndy py'a mbijeta kavi ko she haiva rehē. Ñanderu tyme'ē nde mba'e kuava ryhecha kaviverã opai mba'e. ⁸ Nymanduã kavi ñanderu Tumpa Rayre, ñanderu mbykuera vekua manova mbyteivi. Hai David ñymoñavare hērá ry^mo'apo ry mondova hai kavipo ñee kavipo ñeekavi she mbe'u ndeva. ⁹ Ko ñeekavi kova rehe he'iã hymby peresoha shapiti pente mbai porã japoãraimi. Ñanderu ñe'e kavi herã katua haire ñapitiha. ¹⁰ Hesãshe shypyranta opaite mba'ē hekava rehe haire jipityverã mondojepeva. Ñanderu Tumpa Ray hairupi she kavi haikavivape. ¹¹ Vokava ñeē hei añeteva: Ñamano jepe handirã ñapua jyverã handi. ¹² Jahasa porã mbaava ñaî haire. Ñande jaiko kavipo handi ñande porãmba ñañomi hu, haihe porãmba'veva. ¹³ Ñande ja'a jyvã porãmba perã, po'iapo ñandyhevi, hai katuãpo haikavi he'i shu. ¹⁴ Opavare mandu'a kovare Tumpa hynonde herã mba'ē shupereta avypo ijeta porã hereta, kova porã mba'everã herã mbai kova henduvaretape. ¹⁵ Rinyhapo rikokavi, Ñanderu Tumpa hynonde jokuera hai kavia raimi tekoteve'ã ry^noti, haikavivape herã. Ñanderu heiva ñe'ē haikaviva. ¹⁶ Syry^hi Tumpa iñe'ē mbeuia porãmba mbeúva, kova hairupi ñymbyheta oho yvy iáré heko porãmbava. ¹⁷ Mbo'erã hainy kuruiare pohyrã, ñymby haikavive ohovare, mbytepe heshama Himeneo hai Filetope. ¹⁸ Ha'ire oho kavia añeteva tape kaviare haikavia Ñanderu mbyguerajy hai manove kuape, hera mbijichema ñandy mbyteivi haijyrojaiterã vekuape. ¹⁹ Oîranga Ñanderu Tumpa kuatia ñe'ē mbytepe pente ñe'ē kavi pytava ko itavasu raīnu, iara japova pente Oo ko jyta jyvasu kpva omy'a jyva vy'a herã he'i kovañe'ē. Ñanderu kuakavi hai ñaãpovape. (Nahum 1:7 Juan 10:27). Herã mbysyry heko porãmbava opai jyrojare añeteranga Ñanderu Tumpa Ray rehe hai ija Ñanderu. ²⁰ Pente ovasupe opaiva mbai ryru. Mbairyru ita vera mashyava, ita tiva hahaereka jyvyra ñaerva. Oī mbairyru itavera mashyava herã ita tīva pory^ha mbyvya herã mbitivishaverã hai karai ouva mbuhuparã, herã haive mbai ry^ru poryva haire pevarã. ²¹ Kyrã pojyve hai jyrojaitevã Ñanderurē syryshi opai mba'e porã mba'a vekuã, iko verã Ñanderu hynonde mbai hyru itaverava herã rãimi. Ñanderu porykuavã opai marãrēngatuva japokaviva, ojepeparaiare vare haire. ²² Syry^shi kunumi hete potava porãmbava hera pysy kavi opai mba'e kaviva: Ai ñono kavijy (kekakaaipe) kyroja kavi, py'ãvapy, py'a ky'ã ryheve, herã pyaky'ã ryheve. ²³ Syryshi ko ijeta porã mbavekuare, kua'ã kavipo hai veruverã ñyrãro haereka pyã hasyre. ²⁴ Tumpa Ray jokuera katua ñyrãro py^a kaviva herã opai haire mbai kuava herã mba'ē verã herã ñerã'iverã. ²⁵ Ñymishi herã ikokavi verã mba'e kavi verã herã ikovã vetape rehe. Herã harõverã Ñanderu ingai japoverã py'a porã, py'a kavi hesha verãre herã añeteva hãpe. ²⁶ Herã sareko syryshi aña ipopeva ikoverã Ñanderu potava raimi.