¹ Pablo,Hesukrito mondova (apóstol) Ñande'ru Tumpa hai po'tava rupi, hekapyva amondo verã Hesukrito Haiva hai tykove me'eaverã Ñanderu Tumpa me'ēma vekua kue. ² ambypara ko kuatiape'õ ñé kova nde Timoteo shyray ahaihuva; ñanderu Hesucrito pavete, ñimbypavete hai pya kavi rēipo handi. ³ Shymbyvy'aite Ñanderu Tumpape she aseguiva shy'arykaí vekuare haívive pyapy ñe'e kyamba ryvee, shy mandua rei'aí ndyrehe aimbóivape arape hera pynturãvea ⁴ Herã shymandu'arãme ndysayre, she aryreshase jyve shytynyhē verã vy'akue ⁵ Oīva ndypyape hai jyroja añetekaviva, tynoindeite vekua ēvēkua kue ndijary Lóida herã nde sy Eunice pype, herã katuīmpo ē ndypyape jyve. ⁶ she arymymandu'asei nde rimbipóta verã hai pytu haikavivéva me'ēkavi Ñanderu Tumpa me'ēmavekua nde, she añono rãvekua shepo nanka airē ⁷ Tumpa me'ēa ñanderã pēnte pytu haikaviva jepyheva, pyry raihuva hai mbai kuava. ⁸ Hamerãnga avy nymarã rymondo verã hesukrito iñe'ekaviva, hai avy nymarã shyrehe aimevape pyry^mbyperesohape hesukrito herape, hasaporã kavive shyrehe hai ñe'ē kavivare harepe Ñamderu Tumpa imbarete kuepe ⁹ Ha'eara ñanymondojepe hai ñanyrēnomba arykai ñande jaiko kyambaverã, ha'eã ñande jajapoa haikuai hai,jypavetekue hai hekapy haive,hamerãnga ñandyrékapy oñepúrū verã haire arape ñymbatyvasu'iare ¹⁰ Hama ã'e katu ijyheshakama Hesukrito ñanymondo jepeva hai porãmba ha'e manova, herã verurã hendyvape tykove haikavia pevarãva ha'e ñe'ekavi rupi. ¹¹ Hairanga shyrēno omondo herã ambo'everã ko ñe'ekavi Isrraelvare mbavape hai mondorame ¹² kova mbai rehe areã she ahasa porã aīvã anotīa'aī aikua. Kavirã mape'õrera she airoja herã she aikua kavijyve Hesukrito mbaretekue rupi apityverã ko tykove haikavia pevarãva ha'e oujyverã arape ¹³ Ijijoko tantaminte haire ñe'eryhenduva kueveva shijuruivi herã ryheshave kuare sykovepe ñande jairoja herã pavete jypy oīva Hesukrito pyape ¹⁴ Ñyngareko kavi ha'e ñe'ēkavi Ñanderu Tumpa me'evare me'ēhava Pytu kavivarupi, ikova ñandypy ¹⁵ Nde rikua kavima opaite shyryvyre ikovareta tēnta reta yvy Asiape poishy hevirã, ha'embytepe ēva Figelo ha'e Hermogenes. ¹⁶ Ñanderu Tumpa tyme'ē (Onesiforo) shyrēntape'õre pavete'iva, heta ēnjy hai heta'ara shymykyrēy hare notīa she aīvape mbyperesoavape(Hesukrito herape) ¹⁷ Hare vãhēmara Romape, shyreka kyrē'y^pe shyreshapeve ¹⁸ Ñanderu Tumpa tymē'ēshupe jyparekokue hoka arape hesucrito ouverã.Nderãnga rikua vaī marãrapo ñanymbory kavikue Efesope ñaime ñaīrã vekua