¹ She airure asy mba nde Ñanderu Tumpa hai Hesukristo herape, hai ouverãrã hēntavasuretape mbijiche verã haire iko kaviva herã haire mano mavape. ² Mbeu Ñanderu Tumpa ñe'ē kavia, javeteva javemba ry^pyry^mbo'e mbeushu, herã ijeta pohy pavete, pyarehei'ia herã heko mbo'ekavia ryheve. ³ Haire ara hairetape vãhēpota kuimba'e herã taupere jepy veamopo'ēheã hai mbo'eva mambai mba'iva, jasaka potaī ijyvea haire herã pyry^mboi'ia haireta rãnga pyhy^rūma vekuarãnga kueve. ⁴ Haireta mymbyrypo reta japysareta hai añetevaivi iñimboja heverã opava ijeta rei'iare. ⁵ Nde Timoteo ñy^ngareko kavi opaī mbaipe, rijepyhea hai jyhasa'asy opa japo hekope herã mondo kavi Ñanderu Tumpa ñee kaviva. ⁶ Sherãnga aīma aimbeu ñoī verã, she amanoverã arã mbyryveama'ē. ⁷ she opama airãrō hai ñyrãrõa kavi, añanima jyve jykarerovape, anantuma haikavia airojape shypape opa arapevarã. ⁸ Shynatuhama shynonderãpe hai mbyhaikavia me'ēva, Hesukristo, hai pirīmbijiche'ia hekope kavi'iva, me'ēposhe, hai ouverãrã, hera she ñoi me'ēvarã katupe haijyve opaite haire harõ'õre ijypavete kue ryheve hai aujyverãrã arape ⁹ Eñeha'aminte eijy nyrē'ã she aīvape. ¹⁰ Demas poima shyvevi, haihuveva ko yvy'iarē'õ ña'ampoa, hai oho Tesalonikape: krescente ohoma Galaciape, hai Tito, Dalmaciape. ¹¹ Lukas ñointerãnga aī handije. Heno Markospe nimi'īrūverã herã pei she aīvape. She aikotēvē jyvehe shymbory verã. ¹² Tiquikope omondo Efesope. ¹³ Reirã erekui shyponsho, oheja vekua Troaspe, Karpohentape eruve haire kuatia iñe'e mbyparãva mymba pire kuere. ¹⁴ Alejandro, hai mba'apova hierore, japo heta mbai vai shyrehe, Ñanderu Tumpa mongoviapo jyshu hai japo vaivekua kue shyrehe. ¹⁵ Nde Timoteo ñyngareko katu jyve shivi, hairãnga iñiñono tanta ñaniñere. ¹⁶ Hai mbijicheava penteīvape mbavamba shymbaryva kue, opavare haire jyve shyreja, avyitei Ñanderu Tumpa tyheshakua ko'õ mbai kova (icontrape) ¹⁷ Hesukristo rãnga shymbory herã shymymbarete kavi amondo verã iñe kavi opava henta õvare, herã shyrekyma ha java juruivi. ¹⁸ Hesukristo ñoi ñyngareko kavi shyrehe opava mbai porãmba vaivi herã shymyvahē kavipa hentavasu arapy õretape. Tiñymymbai vasuvareta õpeve (opa mbaverã) kope veima. ¹⁹ Mymarãndu Priska harã Aquilape, harã Onesiforo henta irūretape. ²⁰ Erasto pyta Korintope, herã Trofino heeja Miletope, hasyrã. ²¹ Eñehã'apaite reiverã ara ndei teri ry^'y^sa'erã. Eubulo, Pudente, lIno, Claudia herã opaite ñandyryvyreta nymymarãnduka. ²² Ñanderu Tumpa Hesukristo oī pytu kavi jyve jypareko oī hairãimi