¹ Israelguare mby tepe nda'ē aryka'i profeta he'eashu'a pyry^ mbytauy ia pyny mbytepe puãchyue pyhesha kua mbava rãīmi haire injetape, mbai porã mbavare hareka mbai añete mbava ñakaivi noheva. Kyrãndapo haire jahe hekui Ñanderu Tumpa kyrã iva Tumpa opa ñoi ndapo jukakui. ² Heta po'ē hekokyava haire heko kyava raīmi iare haima injeta pohekui (Evangelio) ñe'ē kavi mbeu'ia. ³ Kyry poti potaivi ranga, haire ou añeteva nunga injeta ē pe. Ary ka'i vaimba Tumpa heja iñeē opa ñoī ndapo. ⁴ Tumpa heja reigiamba ary kai (angel) porã mba japovekua, ityha jyveshu pente mbai kyavape ohovape (Tatape) myhēvã'ēvã aña pēvãrã, haipe natū hã'ē mbiva jeaverãpe ara vãhērã. ⁵ Tumpa heja reiamba arykai porãmba japo iare, mondoha jepe mba Noē mbe'ui haikavirã, haima 7 henta irūre handi, haivi mbouha mba ary kai heta haivi verã ko yvy iãrē. ⁶ Tumpa opaite mba ma mba'i aryka'i tēnta guãsu Sodoma haereka Gomorra he'eashua; kyrã mba pyta arykai kova opaite kuaverã mba'ivarã jehupo shukui heko porã mba ia. ⁷ Lot tumpa mbory mba aryka'i. Lot hai mba aryka'i pente kuareta haikavi ia, hame mbyvy ãnda hesha Sodoma hekoky'a īrã. ⁸ Kova kuimbai heko kaviva, haima iko nda'i haire mbytepe, haima tivisha nda mbyvy'ã mba'i porã mbava hesha irã haereka hendu'i koko'ēīrã. ⁹ Tumpa rãnga kua'ē marã'interapo mbory heko kaviva ñandy py'a rã'ãhã ērã. Haima marã rapo hejahakui heko porã mbava nupãhã verã, ñimbivaje arape. ¹⁰ Opa mba'i iãrē, Tumpa nupa pokui heko porã mbava handijy ñimi mishi mbava opava hynonde. Ñi mbiti visha ia kyje'ã injeta porãhe vatē'õ jokuereare (angel ñu mburu vishare). ¹¹ Tumpa mbouva rãnga, imbarete (yvy iarē), nocondenaseis avypo ry^mohē Tumpa hynonde ndapishare (Efesope õre 2 2:6.12; Judas 8) ¹² Kova pyry^ mboia japure iarãnga ova mba'i mymba kua mba'ia rãīmi, iko jukaha verã; haima pyr^mboia injeta pora'ira kua mba ryheverã. Haima nymbai ndapokui heko porã īrã, nymbaiva raīmi mymba kua mbaia rãmi. ¹³ Haima me'ãnda porã mbava hepykue. Haire notīã ofarrea porã mbava japo jyre koīrã. Haima vya i porã mbape. Vy'akuepe potã pyrymboia japukuepe pyny mbytavy jy verã hãyvãisha pykarujy handi. ¹⁴ Hesakuere hainy taype heko porã mbaia, mbai vai japoia hy^vãta mbava raīmi ia, haima pota mba poishia porã mba japoia: Haima mbytavy kangy nunga õva. Mba'i potave reii'i apa mbai hamei Ñymby haikavi ia. Hoka varãnga hai tykove añaivi ouva. ¹⁵ Syry shia ñanderu hape haereka (kañyshia) vata vērã raīmi Balaam, Beor' tay, kova hainda arykai haihuva heko porã mba vekua. ¹⁶ Balaam heashua mohē ãmba arykai humba mbirika handi taype injeta mbava, hai injeta handi ija kuimbai injeta varãīmi, hame jokoshu ija pota mba japova mbai pota kuepe. ¹⁷ Kova ranfa hai pyry^ mboi ia japurei ia ova ndapo ysayvami haereka vīti heashua kuei yvytu vyry veveiva rãīmi. My hevã'ē pente hendapeva raīmi ndapo pyntuape. ¹⁸ Haire jyroja ijehe haereka injeta rei, haima haire pyry^ mbytavy'i yvy īãrē õ hete pota porã mbaivi. ¹⁹ Haireta mba heishu ñymy pyrãta ēvērã, pare ko'ã maiherã haire mismo mba jy yvy iãrē hete mbai mbai potakueivi jokuea reare. ²⁰ Haima hejava heko porã mbavekua ko ivy iãrerã, kuarã haereka rojarã Ñandeja Hesukrito, haivi japojy yvy iãrē õ porã mbava jepy jyhe, haima japype pytama porã aiteve'ē oñepyrõ vekuaivi. ²¹ Haikavi vete shuve ramba arykai Ñandeja salvavion hape, hame avy ajera rikua marã hakuere rypoishi Ñandeja mendeva haikaviva. ²² Kovape rãnga jehu nymbytavy heiva: Ñaumba houjy ñyvē'ēkuerã (invomitokue), hame kushi apa mbija huarã oho vai japa jerejy tujupe. (Proverbios 26:11)