¹ Shy rayhuvare kova kuatia, iñeẽ kova hai amokuema ambypara pea ko mokuema she ambypara pẽva kova mõkue kuatia iñeẽ rupi, che amypykyrey, pepensa, kavi vera hẽkope. ² Pynymandua vera jyve hokava Tũmpa jokueva (profeta) hẽkõ, kaviva hẽive kũa ikoteripo. Hare pynymandua jyvera Ñanderu pyrymondo, jepeiã japova haikaviva hare Ñanderu Tũmpa hemimbo'ere (Apostol) iñe mbyhãsã pẽe vekũa ³ kova rãnga pikua vera hokava ara, opavape katuetepo vahekui hareka ñymby hory ihẽa Ñanderu iñeẽre hare ikova ju'yvy'iare hete potava porambava ipope maña shuretava hai mbeupe verã. ⁴ Mbaivara iko kova ñahãro ñaiva (promesagui) heiva Hesukristo oũjỹ vera . Ñandey pỹre manova vive. A'ẽ pẽve mbe'ũhã mbãi opambai pyta jyve mynguera jya raimi ko mundo oñepyrõvaive ⁵ Aete haire taranga kũa kũaasẽa arã pe'õre iko, jyva arykãi. Hare Ñanderu Tũmpa iñeẽ rupi ko ko yvy kõva õhe y vi hare ỹrupi japo hava. ⁶ Kõ yvy kõva opama añehundi vekua hare amavasu pẽe. ⁷ Ã ẽva arãrẽ hare yvu natu ha. Ñanderu Tũmpa iñe rũpĩ tãtã pevarã. ⁸ Avyteĩ ñomia pyhevi aete chyraihura ko añeteva kova pikua jỹve Ñanderu Tũmpa pevarã peteî ãrã 1000 año raimi 1000 año pẽteĩ avapyntuva. ⁹ Ñanderu kyampo hãro iñe ĩkõ vera. Mbovyi ñymoava raimi haroteri pota. Mbovyi iamire añehundira opaitevare tiñymbypavete japo porãmbare hare toyjy Ñanderu Tûmpa evape. ¹⁰ Hesukristo ara vaipo ou manarõ iã raimi hoka arape apapo hasa hy'apuvarẽ , ipukuẽ tivisha vape hare mbai mishiveva poryhava guive (elementos jepe). Oñe hũndĩ verã tota hendype hare opaite oiva guive ko yvy iãre apapo okẽ kũi. ¹¹ Opaiteva kõvare kõva mbyty kuiã vera raimi peñehapo piko hekope kavi, potapo peñehundi jyve, hame pyñỹmby heko kavi vera, hare pyñymymishi vera Ñanderu Tũmpa hynonde. ¹² Hare pyhãro Ñanderu Tũmpa ãrã pyahu oũverã hame ranga piñymyheva kavi opa mbytykuiavera (eñembohyku). A ẽva arare mishi vera poryhava guive (elemento), tata hendy okẽra apapo tykui kui. ¹³ Ñaharo ara pyãhu hare yvu pỹahu Ñanderu Tũmpa iñe-ẽ mbeuva rãimi hare ikõ popyreta (justicia) ñanimbi vache aeteiteva . ¹⁴ Hame shy ryvyre pyharo kova mbai ikovera peñe hãpõ piñimby jiche, shi mbãi porãmbava piñimby heko kavi vera Ñanderu Tũmpa pyndy reshavera piko pya kavipe. Hare ¹⁵ pymaikavi he Ñanderu Tũmpa pota mondojepe hetavape (salvar) pyare heiia (paciencia) rupi kyrara Pablo ñandi chey, jahaihuva. Mbypara vekua jyve pẽẽ pẽ arandũ me'avekua rupi jyve. ¹⁶ Opaiteva jykuatia iñẽpe Pablo ijeta jyve kova mbãi kova rehe mbytepeẽteva . Opa mbai hasỹveva mỹsãka jyvera hare mbãi hãsỹva ranga mbai kuamba ĩã hare pỹã hetava mbĩvãvy (omokare) mbivavy haisha jyve ỹngã kuatia iñeẽ heiva hamerãnga hãire tãĩ oñehundipo. ¹⁷ Pikua kavi pymai pije hare pimboy tãntã katũ avypo haire pinimbijavyka jyve hẽkõ mboi japuva rehe Ñanderu Tũmpa hapeivi. ¹⁸ Pikua kavive peho jyve Ñanderu hare , ñany mondojopeva (Salvador) Hesukristo pe pysyry peho jyparekope tymymbai vasu shuhare ara ñymbaty vasũpe kỹrã. (Taupeicha. Amen)