1
Hesukristo hasa asyiterã hetepe peĩ kavi jyve pyhasa porãmba verã akua hasa asykue hete poi japova porãmbaivi
2
Avy piko akua ara hembyteri peva, yvy'ĩarẽ'õ hete potava porãmbape, piko pojyve Ñanderu potava hakaviva ipote.
3
Heta ara piko arykai yvy iarẽ'õ japova porãmbaape, jyrojambare rãimi Ñanderure, hoka rãnga: Tykove porãmbaa, mbai potakue, kau, karu'vasu, kau ñymbaty'vasuape, haereka ñemõmbai'vasu ija rã'ãngape.
4
Haireta'rãnga poshy'ipe, pee pimĩ'ĩru veama shuretarã jy'yvy ĩarẽ õre hete potava porãmbape, hãmẽrãnga haire porãa ijeta pyrehe.
5
Vãhẽpo jyve akua ara haire mbe'ua verãre akua pirĩmbijije'ia oĩ kavi'õ hynõnde, Hai mbijijepo mãnovekuare haereka ĩmẽteri'iaretape.
6
Mõndoha tẽva pyrỹ'mõndo jepeva hape mãnõvekuaretape mbijijea verã hetepe yvy'iarẽ iko'ia rãimĩ, vãheshu verã putũke kaviva tykove Ñanderu rupi
7
Opaiteva mbai, opamãpo'i hãmẽrãnga pingarekopo pĩmboi verã hekope havi.
8
Opa mbai ĩarẽ timẽ pyny paũpe jyhaihu añeteva Jyhaihu añeteva joja japoava porãmba vekua
9
Piñymbu'hupa poshymbape.
10
Piñymbory heko kavipe mẽ'ẽ kavipe Ñanderu mẽva rãimĩ pepẽnteĩ hai mẽshureta jyvavavyĩ hai paũpe. Pypory hekope mẽ'ẽa peva pẽnte mãshyãva'rãimĩ ỹngare pevarã
11
Ĩmẽ'ẽ pẽnte jyrojava ijetarã, tijeta Ñanderu ijetava rãimĩ hai rupi; ĩmẽ'ẽ pẽnte jyrojava pyrỹmboryva, tymbory hapishape Ñanderu mbai katu rupi; opaitea mẽ'eãva rupi toñemõmbai'vasuĩmpo Ñanderupe, Hesukristo rupi. Ña'ãmpoa rãnga tykove mãshyãva haereka mbai katu, ara ñymbatyha'vasuare rupi, kyrãpokui.