¹ Peẽ tyrekore, peme ipopepo piñinono ĩmẽ'ẽ ĩmẽ Hesukristore jyroja mba terirã oujy verã Ñanderu Tumpa kyty hyreko haereka mbai haikavi japova rupii, mbeu mba tẽshuva. ² Hama ime maipohe haereka hesha kavipo hyreka heko kya mbape kyje ryheve Ñanderu Tumpa hapepé. ³ Ary piñomi pijehe pyndyretere avy panka há á pimbijeva, haereka ay mbai verava mondeava hepyrã pymende. ⁴ Hamã pimbijeva jyve pyndy mbai nymbamba haereka heshaha mbava rehe pya kavi haereka pya symyi jy verã opaite mbi haikoviva rãnga hepy ko Ñanderu Tumpa hynónde. ⁵ Kyrãi jyve opaite tyrekore heko ky ãã tynondevare ijevarã jyroja Ñanderu Tumpa herã japoshu ĩme heiva. ⁶ Kya sara iheẽ hẽndu jyveshu íme Abraham, haereka heñoshu. Shi ija harã peẽrãnga Sara memby kuñare pejapo verã mbai haikoviva haereka mba eã peẽ opaite pyarãã ouva. ⁷ Voka teme piko kavipo hãndi pyrekore pyhesha verã kongyve pyndyhevi harã pijapoposhu hei peva pikua kavi haire hipitypo jyve tykove opamba verã mahe oparei pyndy hevipende horãsio. ⁸ Ñamaikavipo hijehe, jaijaihupo kyrã hei ñande Ñanderu hiñe haereka ñande Tumparé jairojava ñandy pyaivipo ñandepisha jahaihu. Pyndy pya kavipo haereka avy piroja pindijehe. ⁹ A vyponeeporã mba Ñanderu Tumpa ñanynóhé hary kai porãmbaivi Ñanderu hĩñẽẽ ñambeuvera hame rapo Ñanderu Tumpa maikavi ñandyrehẽ. ¹⁰ Há e romba Ñanderu Tumpa ĩñẽẽ heja ñande jahaihuvera haereka ñandy kove nony kateypohe haereko rymby syeypo dijuhuvi mbai porãmba vekua rijokapo dijuru a teñopo dapu rinjeta. ¹¹ Mbysyry dyjuhuvi mbai porãmba vekua Tumpa heivaĩpo pijapo pyhekapo Ñanderu Tumpa pyvya verã. Pyvyapo pyndypyape Ñanderu rupii haereka ñandijupe . ¹² Ñanderu Tumpa mby haivamba harykai hoko kya mba pe haereka hẽndu mbashu arykai ñehoracio mbaiporã mba japohire haireta mba nymbu vaisho jerehe harykai. ¹³ Mba vara katu japo pyrehẽ mbai porã mbavekua ñande ñañeha japo ñe kaí kaviva. ¹⁴ Pe pyhasa kavia pirojakua reheva perã, Ñanderu Tumpa maikavi popyrehe. Havi pykyjes hairera pinyñono porarashavy pydyposhy. ¹⁵ Piroja katu jyve Ñanderu Tumpare pydy pyape haireka peikavipei pere jy verã opaite pyrandu peva okajuroja himepyreva py dy pyape. ¹⁶ Pere katu pya haikavipe haereka piñumishipe ryheve mahe pyinygua pydypua pi mbi jeta verã pe haereka marãverõõ hopai ĩnjetari pyndyrehes heshakavina paihaikavira Hesukristo mbaikaturupii. ¹⁷ Haikavive pyhasakavia Ñanderu Tumpa potarã, pijapokavi mbaikaviva rehes mbai porã mba pijapo te verã. ¹⁸ Hesukristo hasa kavia pẽntejy mbai porã mba jajapore, ñandyrã avera Ñanderu Tumpa hevape: ã entevape hoómano, Espiritu Santo rupii kuerajy. ¹⁹ Hama Espiritu rupii Hesukristo hoó jyvembeu verã jahájepeva hape hopaite manovekua je Espiritu haereka mby peresoavaré. ²⁰ Hama hokavarẽ ñeendua, Noe mbeukavi tenshuvareta Ñanduru Tumpa haroveama verã hoi varco vasu opa japorã, varcopy mbovyi hoojepeva yvyí, u kuimbai u taupe. ²¹ Hokava arẽ hesha haverañany mondojepe ñaimygaraiva oõ ñymygaraí katua ñandijohẽ ñandyrete mbai porãmba japovekua , há jairureposhu Ñanderu Tumpa tymeñande pya kavi Hesukristo ñamano rupii. ²² Aẽ Hesukristo vapyhe vate arãpy Ñanderu Tumpa jakata kyty hai ipope ñonovera opaite mbai porã mba japo hiarẽ. Huvishahaereka opaite mbaikatu iñomahevekua.