¹ Piko jyhaihu ãñetevape, piñyhã pipity verã Espiritu Santo mēēvare, haereka pymytynonde ñēē Ñanderu Tūmpaivi ouva. ² Ñeē yngavape ījetava, ījeta kuaretare pevarã, Ñanderu Tūmpa pevarãī, shara mba'ety kuaashia. Jy espiritu mēēshu ījetapy verã kuahambava. ³ Tēvã ñēē Ñanderu Tūmpaivi ouva mbeu'ia ījeta mupūã verã kuimbai haereka taupere, mbarakua haereka MYKYREY hapishare. ⁴ Ñēē yngavape ījetava ijupei ñumupūã, tēvã ñēē Ñanderu Tūmpaivi ouva mbeuva, mupūã tupaope'õre. ⁵ She rãnga aipota pīmjeta ñēē pikuambape, tēvã aipotave pīnjetapy ñēē Ñanderu Tūmpaivu ouva; ñēē Ñanderu Tūmpaivi ouva mbeu'ia, mbai vasuveshi ñēē yngavape ījeta'ia. Īmē'ē kuava voka ñēērã, mbeu tupaope'õre mupūã verãrã, hai jyve vokava pēntē mbai haikaviva. ⁶ Kyrã shyryvyre aha peīvãperã, hãījetape, ñēē aijuambaperã, mbaivaperapo haikavipekui? Haikavive rãngapo ãījetape hsymbyheshahava rupii, mãīrã ãrãndu rupi, mãīra ñēē Ñanderu Tūmpaivi ouva, mãīrã arakuaa rupi. ⁷ Mbapuavare hykovemba veave ipu mbopuarã, jaishu mimby haereka arpa; hãrã jyvavyã ipukuera, marãrapo jaikua mbaivara mbi'ipuha'ē? Mīmby arpa. ⁸ Hãrã mīmby mbi'ipua kaviarã, mbavarapo õī kavi'ē ñyrãrõ verã? ⁹ Kyrãjyve pee pījeta ñēē pikuambaperã, marãrapo kuaaha pyndyhevi pereva? Yvytu pīmjetapēīshua rãīmi rãnga. ¹⁰ Heta ñēē rãnga'ē ko yvy īãrē, opaiteva reko mbaivara he'ise. ¹¹ Hãrã aikuã ñēē mbaivara he'iserã, she hai tēnta yngaivi ouva hai pevarã, hãma ījeta sheva hai jyve she pevarã tēnta yngaivi ouva rãimi. ¹² Kyrã jyve pee pipotava Espiritu Santo mēēvã, peñehãã katu pumpūpūã verã Hesukrito ryhevare. ¹³ Hãrã ñēē kuaambavape īnjeta'ia, tirureshu Ñanderu Tūmpa Espiritu Santo mēēvã mē'ēãshu verã, kuaa verã mbaivara he'ise. ¹⁴ She ãīmboi ñēē kuaahambaperã shy pyape ãīmboi; tēvã aikuãã mabivara hai. ¹⁵ Mabivarapo ajapo? Ãīmboipo shy pyape haereka aikuaapo mbaivara hai'ãi. Apyrahepo shy pyape haereka aikuaapo mabivara apyrahe'ai. ¹⁶ Nde Espiritu Santo ndy pyapeī Ñanderu Tūmpa rēmombairirãra; marãraī rapo nyrēndeva ndapisha kuãã ndynevira nei "Amen"? ¹⁷ Haikavitē rīmboiva, rymboryãpon ndapishare pūãve verã jyroja kuepe, kyrãvã mupū'aposhu jyrojakuepe. ¹⁸ She shymby hory Ñanderu Tūmpa ãimboive pyndyhevi ñēē kuaahambaperã; ¹⁹ tēvã tupaopē ñymbatyavape, aipota aipory 5 ñēē kuahavape, amboi verã yngavape, 10,000 ñēē kuahambava nēndakuepe. ²⁰ Shy ryvyre, avy san jay rãīmi piko, mbai porãmba pevarã rãngapo piko sanjay rãīmi. Tēvã pypyape opa mbaimapo pikuaa. ²¹ Ñanderu hai mba ARYKAI iñēē heya mba ARYKAI ja'jetapy vēiã, iñēē YNGAIVARETA Israel iñēē py haira mimbate shi ñēē remdutea hei Tūmpa (Isaias 28: 11-12) ²² Haīrã haire ñēē kuambareta iko pēnte, hesha haverãī Hesukritore jyroja mbãreta pevãrã, ha'ēã jyroja varēta pevarã, hai ñēē Tūmpa iñēē mbaeu'iareta iko yiroyavareta pevarã. ²³ Hairã Tūmpa hoõpe ñy MBATY'ÕRE õpaiteva ijeta reta ñēē kua ãmbape. Haira īmē'ē hirohamba ñany MBY teperã. He'iãrãpo ña MDYRE. Kuãkuã ueama'i reta. ²⁴ Opaiteva haihetarã ñēē Tūmpa iñēē mbeu'ia, harã ou ñany mbytepe pēnte jyroja mbãvarã hareka kuamba heiãva haibipo pya mbijeta kui hairã kuaapo japova mbai porãmba. ²⁵ Hairã haire ñomirevare pyape hairãpo ñohēkui sãnkavape hairã oãpo, hõvare haire mbyvetetevera Ñanderupe hairã heshapõ Tūmpa ēvã ÑANYPYTEPE. ²⁶ Shy ryvyre mbaivara katu ñanohēkui, kova mbyteivi KOVAMBY teivi haipo pe Salmo pimba tyrã PYPYRAHĒ, hai heirã pēntē pyrymboi heua. Hairã TYMBEŪ Ñanderu mbyheshaka shuare hai heira tijeta YNGA īñēēpe īmēpo'ē katu mbiuasheua ÑAMDYMBYTEPE ñēē jaikuãmba mbaivara heri ñande, opaite kova japeryrã japyrahe poshu ÑANYRĒTÃ irūretape namupuã verã Tūmpa hoõpe. ²⁷ Imē'ē ñany pytepe kyrēy ījetavo ñēē jaikuamba, tījeta mõkue haiheirã mba HAPY pevei ñandapisha ty narõ kavi opaījeta peve TYNONDE'ÕVARE hapishareta haira mba hapyhea tijeta jive, haireta ījetapo ñeē jaikuamba, īmepohe, ñandapisha MYSANKA põ ñande jaikua mbapē. ²⁸ Harã mba'ety ñañymbytepe pēnte MYNSÃNKAVARÃ haireta iñēē. Tijirirī reta tijeta ijupereta haireta peverãi hareka Ñanderūpe pevarã. ²⁹ Kyrã jive Tūmpa iñēē mbeu'iareta tijeta mõkue hai heirã mba HAPY hai rã opaiteva tijasaka kavi hereta añeteara ñēē haikavira hairã Tūmpa ivi õuvara haereka ha ēra japuvarē. ³⁰ Hairã ÑANDY Espiritu Santo me;eha pe pente vairã hairã vapyvareta mbyteivi pēnte ñēē tichiriri rēta. ³¹ Opaite pee pypyrY mboipia pījeta pepenteiijaykue opaiteva hekope pa'ē ha verareta hekope kavi'i haereka vyavērã reta. ³² Haira Tūmpa ñēē mbeu'ia haro kavi'ia kuaretareta ījeta iuareta apa peue. Hai pya rakuava. ³³ Ñanderu haēa hai PYA POSHY ia ija pēnte pyã vya'ia ija hai. ³⁴ Shi imdy reta tichiriri reta, Tūmpa hoope ē heã shūreta PYRY mboi verã reta iñeē hendusha rēta Tūmpa (Genesis 3: 16). ³⁵ Īmē'ē haireta kua mba ty pyrãndushu menby tupe, hēntape ña ñotirãnga tapype Tūmpa iñēē mbeaurã Tūmpa ho'ope. ³⁶ Pyndyhevi õhē Tūmpa iñēē. Hareka ka pepevarãirã õu ary ka'e ñēē. ³⁷ she, jai jikuambaiarē ambeu'ia hesha hapo kui kava ñēē amby parapea Tūmpa ja pakavekua. ³⁸ Hairã ja hesha kuarã Ñanderu. Heshakuãpo rãnde Ñandekui. ³⁹ Haira shyryvyreta pinyhãpo pijapo Tūmpa potapyndy heviva, avy pijoko īmē'ē pota ijetavara ñēē jaikuambape. ⁴⁰ Tijaporeta opaite ko mbai ko mbai hekope haereka hendape kavi.