¹ she ajemaipo irū tentaipi õre iñe ai jetapy have araivi mbouva apyry haihuara, ahe haipy hiero parãrã vã hare haromi parãrãva. ² She ambeu ñe'e Tūmpa me'e shearã, she ambeu apaite mamai nuga kuaa mbavarã opa shypya rakuanã, hare ajeimapo ime hare jyroja pente yvytyrusu rovaverã, hãhã she apyry haihuarã she ha'e mainunga. ³ Hare opa ame'e, ime area mi pavetavare taperã hare ame shyrete hapyha vērãrã apyry haihuãrã opaite kova maínunga porã po she. ⁴ Añente pyry pare kova harõ kavivare pykavivare ijaihuva ñykate'y po hare pyryparekova, ñimbitishãpo hare jyrojápo ijehe. ⁵ Ijahuva ñumu kuñapo. Japoa mai nunga kyava. Heka hai ña'ãpõrã, poshya, pya poshya handi mbava, ⁶ vy'ã hendu marãrã ngatu'ia heko pea'irã, vy'a añete mite'ivare. ⁷ Ko añente ijaihuva jepy he opa mamai nunga hare opa mainunga roja. Opa mamai nuga harõ hare opa mamai nunga jepy he. ⁸ Añete ijaihuva marãpo opa, ñe'e mbeuva opa pokui, ñe'e kuaamba opa pokui, typya kuaaiva opa pokui. ⁹ Katy ñande jaikuava hetã, hãima ime'ejy Tūmpa iñe mbeuva heta'aī jy. ¹⁰ Oúma mbava ñono kaviverãrã, opa pokui porãnungambava. ¹¹ Shy ndei teri'airã aijeta arykai, shypyape aijeta arykai santay rãimi shuku marã apoi shi sanjay heko oporyva. ¹² Ãrã nga'ē jahesha kavia teri sypeva pe ñamai varaimi, ajerai ñama'e ñandy rovare; ãrãnga'e aikua kavia teri Ñanderu Tūmpape ha'areipo she aikua kavi shukui, ã'ē hai shy kuava rãimi. ¹³ Ãrãnga pytateri jyroja, ñaharõ verã here jypareko, kova mbahapy mbyteivi, mbai tivisha véva hai jypareko añentepa.