¹ Shyry vyré she aipóta pikua hare pikuo ve Espiritu Santo mé’e va. ² Pe’rãnga pikua kavi teri, ndei piro’jara Hesu Kristorerã, pe rãnga piñy myty ryry kapi, Tumpa rã’anga haky’kue. ³ Hãrã she aikuaa pe, mbáva íjétava Ñanderu Tumpa Espiritu Santo rupí avỹ mba’va te’I toho año rẽta pe, (anamemby’) mba’va katua hei – Hesukristo hai sheja, ha’ea Espiritu Santo rupírã. ⁴ 4 Imeé ópain mará rãngá tuva me’ehãvã, Espirítu Santo rãnga pẽntei ehai. ⁵ Héta’é mba’ápova japovérãrãimi ija Hesukristo pẽntei’ẽ. ⁶ Ime’é marãrã katuva pyrãta, ime’ẽ pẽnte Ñandéru, ópa mainunga Jápova. ⁷ Pe pénteí me’ẽha Espiritu Santo me’ẽvã opaiteva pevarã. ⁸ Pénteva me’ẽashu kátu ĩnjetavéra Espiritu rupii, yngáva me’éhashu, ñe’ẽ yngáva me’eashu mbai kua ryhéve ĩnjetavérã Espiritu Santo rupii. ⁹ ime’ẽ me’ẽ shúva jyrojakue (fe) Espiritu Santo rupii, ime’é shúva Espiritu Santo, pyrỹmynguéra i verã vaí, Espiritu Santo rupii. ¹⁰ Ime’é me’éhã shúva pyrãta (Don) Japo verã heshambáva, (milagro) ime’e me’ã shúva hỹnonde rãkuo’iva, ime’é espiritu porãmbáva kuavéra Espiritu Santo pãupe, ime’ẽ me’éa shúva ñe’ẽ kua mbáva, ime’ẽ me’ẽa shúva ñe’e pyrymby kuaka i verã. ¹¹ Opaite kova Espiritu Santoipo koñeĩ japo mẽeshu pepenteĩ hai potava rãimi. ¹² Ña ndyrete penpentei oheshi heta ēheva ryheva. Hama kyrai jyve Ñanderu Tūmpa tupaore mbytepe. ¹³ Shara penteva Espiritu Santoivi pepentei ñaiñy myngarai jaiko verā pente tyreteivi, ajemai Judeape'õre ajemaipo tenta yngavareta ñēē yngava pirijokue'iareta tevā penteī oheshi ñañymyngaraiva Epiritu Santope. ¹⁴ Ñandyrete ikoã penteī opaiteva hesei iko jyve. ¹⁵ Ñandepy heirã she ha'ēã pente ipo. She ha'ēã tyrete ryheva hamera marãipo ha'ēãjy tyrete ryheva. ¹⁶ Ñanynambi hei she ha'eã tyresa, she ha'eã tyrete ryheva. Hamera marãipo ha'eã jy tyrete ryheva. ¹⁷ Ñandyrete oheshi ñandyresarãra, mapepo marate ñanhendu verãra, hare ñandyrete ime ñandapysaivi ohējyrãra maraipo ñahētu jy. ¹⁸ Ñanderu ñonoma pepentei ñandyrete ryheva hendapekavi hai potava raimi. ¹⁹ Ñandyrete opa japoha petei tyrete ryhevarã ikaãpo pentei ñandyrete. ²⁰ Ã'ē heta ime jare ñandyrete ryheva Tevaã pentei ohēshi ñandyrete. ²¹ Ñandyresa katuã hei ñandepope aikotevēā ndyrehe hama kyraījy ñanaka he'iampo ñandypype aikoteveã ndyrehe. ²² Ñandyrete ryheva pyrãtãmba'iteva ñaikotevē vejyhe. Ñandyrete ryheva ñamombai mbateverã. ²³ Haite ñamonda omomba'ehaveverã. Hareka ñandyrete ryheva ñanotiva haite ñambyhaikavi ñambyvateverã. ²⁴ Ñandyrete ryheva katuã'ranga mbyvatehave Ñanderu Tūmpa arandukuepe japo kavive ñandyretere. Haima ñandyrete ñamimishivã mbitivishavejy. ²⁵ Mahē ñyrarõ ikokui ñandyrete ryheva ñanymbytepe ñandyrete ryheva ñymbory teverã. ²⁶ Hama ñandyrete ryheva hasy'ē penterã. Hareka opaite yngavare hete iñiñanduvai. Hama pente tyrete mbitivishava opaite tyrete yngare oy'ajyve. ²⁷ Pe ranga hai Ñanderu Tūmpa ryheva Tupao. Hama ñande pe penteī hai Ñanderu Tūmpa hete (miembro). ²⁸ Ñanderu teiva ñono henape tynonde mondoverã iñee mbeu'ivare (apostol). Hareka hai haykue mondohajy mbai kua'iare (profeta). Haima mbahapyhera mondoha pyrymboryva (diacono) me ahashu pyrãtã mbai heshambava. Haipe me'ēhashu pyrynguera'iverã yngava me'ēhashu PYRYPYTYVO'IVA katu pyryshambekyva. Hama me'ēhajyshu ñēē hetava pevarã ñēē kuaa mbava. ²⁹ Opaitevara Tūmpa iñēē mbeu'iare (apostol)? Opaitevara Tūmpa iñēē mbeu'ia (profeta)? Opaitevapera me'aha mbai pyrãtakue? ³⁰ Opavara katu PYRYMYNGUERA, opavara katu ijetapy ñēē kuaambava, mbeu kavi ñēē kuaa mbava. ³¹ Peñe hã pipytyve Espiritu mē'eva Tivishaveva ã'ē ambishaka'aipe pee haikauiveva.