¹ Shyryvyre piñyhave she aiko vavaimi she añyhaiã varaimi she aiñyhaja Hesukrito raimi ko yvype. ² Shyryvyre she avy,a pe pymandua shyreheva pimeī teri pehorā she apyrymboie va rãimi ³ Aipota pikua kavi Hesukrito hai opaite kuimbaire hãka kuimbai hai tapype ñaka. Ñanderu Tupa hai Hesukrito ñaka. ⁴ Ynga kuimbae orar ñymboi he haima oprofetiza marã ñaka shasoi anoti Hesukritope ⁵ Opaiteva tapypere ñymboi pota oprofetizarã jaso'ia ñakara noti ñakape pytams ime iko ñaka pero varaimi. ⁶ Pete tapype ñaka shasoiara tijasyja ñakaiha notīpotairā jasyjapo ñakahara ñaka jasoipo. ⁷ Kuimbai ñaka jasoiapo Ñanderu Tupa rãianga jykuamahe Ñanderu heko hymbipe tapype jyve Kuimbai heko himbipeva. ⁸ Kuimbai heko kavi mbavekua oñepyro tapypeivi tapype hai heko kaviva kuimbaevi. ⁹ Kuimbae japohamba arykai tapypa herape tapypemba japoha arykai kuimbai herape. ¹⁰ Hãrã tapypere porypo angere herape ñaka jasoiapya heshavera ikoverã ime ipope (Genesis 6:12) ¹¹ Opaiteva Ñanderu Tupa hyndonde tapype japohã kuimbai mbape kyraijy kuimbai japoha tapype mbape mokue hõre ikoma pente heteimare (Genesis 1:27-Genesis 2:24). ¹² Ña ndyrete pepentei oheshi heta ẽheva ryheva Hama Kynai jyve Ñanderu Tumpa tupaore mbytepe. ¹³ Piñymbivaje harera haikavirapo taype jurure Tumpape porua ñaku rasojarã. ¹⁴ Pyndy juhuvirãnga piko pikuambava kuimbai iko ñymymaraka ñaku havuku reheve. ¹⁵ Tapype pevara haikavi hai ñaka ha pukura jasoi vera ñaka. ¹⁶ Opaiteva meraie ijeta parambo'iare haima kua kavipo ore jypykua'ha kyrã kyrai jy Hesukrito jytupao mba iare. ¹⁷ Kova mbaie hareka pe, shymyhorya pe pimbatyrã apa pirãrorã piko kavi tevera. ¹⁸ Ahenduma pende tupaope ñimbyjarova jyvavyva haereka arojama ahenduva. ¹⁹ Haereka jaiguavyrã kuahapo haima iko kavi haereka hekopeia pynymbytepe, haereka ñyraro iare. ²⁰ Haima pimbay opaiterã haima pe'u veamapo hekope Hesukrito céna. ²¹ Pe pimbija'o jyvajetevera timbi'u peru vekua ña'ampoaretai kyrãa ñynoireta ñymbahyteri iare ingaretany kauma ñynoi. ²² Too mbaretymba pyre pero pykaru y peuverape marã irarã pijapa Ñanderu hopei iare pymymarãka mbaimba imerea marãrãpo haipe myryhoryra pyryhorypo kova mba'e she katua apyryhory. ²³ Hãrã arakua she apityva Ñanderu Tūmpa Hesukritoivi hãrã ambyhasavekua pēē. Haipe pynturamba me'ēha Hesukrito mymoramba rea ipope Juda heiva, heky pysy paha. ²⁴ Hãrã jurure vy'apera mbija'o pahã haima hei mboirea retape kova hai shyrete pyse'ãva shymandua pyrehera peuma paharã pymandu'a shyre. ²⁵ Róũ mara paã, kyraaite hũpi jyve ỹ hõũãpyãva kyra hẽi ko ỹ hõũapyã (vaso) rãnga pypya pymyẽte pyãhũshu rũgũy pe, opa ara peũ ra ko ỹ hã ũapyã kova pymanduã shy reẽ ²⁶ Ôpa ara pehũ jyvera paã harã peũ. Jyveko ỹ hõũãpyava pymbeũ pindi ija ñymano ãi õjypevé ²⁷ Kyrai jyve imera'ea ha'u heko poramba paha vasope'ō vino heko poramba Hesukrito hete haereka huvyre. ²⁸ Imeraeã typyvy ijehe tyhekakavi pyape heko porambava hame rãpo ho'u paha haereka vasope vino. ²⁹ Kyra ho'u heko poramba ia paha haereka vino jahea pohehai hesha kavia Hesukrito hete. ³⁰ Haima ime'ē pymbytepe heta ñymbairasyva ikangyva haima heta ojehore. ³¹ Ñandei rãnga ñañimbivaje kavi ra, Ñanderu Tumpa ñanimbivajejy veamarãnga amó, ³² Ñanderu Tumpa ñanunupo avypo ñañymbaí ingava yvy iãrevare handy ³³ Kyrarame she shyryvyre, pimbatyra péũ vera Hesukristo cena pyãrõ õpa vaẽpeve ñanehermano re japoreta vera ³⁴ imeé rame ñimbavara tykaru rani hẽtape maẽkui Ñanderu Tumpa punupara harã inga mbaẽ hémbyteriõ añonopo ékõpe hãvaẽãra pyréndape.