¹ Shy ryvyre haipota ranga pypyta pikuaambarami Ñanderu're hãpai mba'e amapyty ipe hasajera peve yguasuipi. ² Harã opava ñymyngarai Moise imeramei haereka amdpyty haereka yguasupe. ³ Haireta hõ'ū mbajyre timbñū vateivi oūva mana. ⁴ Haireta hõ'ū opaī y Ñanderu Tumpa me'ē shy'a haereka itaguasugui miiru shureta hape pukukue itaguasu ranga ha'ē Hesukrito. ⁵ Mbo vyinda mbyvy'anva jyrojava. Ñanderu Tumpa yngarēta katy puãhereta Ñanderu Tumpare haranga vakava heja manovera yvy iko'āmbaipi. ⁶ Vokava mba'e heshaka ñande Ñanderu Tumpa avypo ñande jaiko mba'ēpoiambavekuea haire potava īdimi. ⁷ Avyˆitei pyrotja tumpa ra'anga mbytepe iãrē Jehūva rami hara mbypara hava rami Ñanderu Tumpa īūe'epe hara teta guapu hara Karu hara hō'ū haivi pū'ã ñymby sareshivera ñymby vaicho ē Ñanderu Tumpare. ⁸ Avyiteie pika handi aimba pyreko haereka haimbu pydyrekova haire japova rami kyrarame mano mba 23,000 Israelitare pete arape. ⁹ Avy pika yuy iãre oiva ña ndyrete potava pora mbava kyrarame pimby vaichoma Hesukritore Israelistare japo vēkue'a rami yvy iko ambambi kyrarame heta mano mboi shuva ¹⁰ Avy jypijeta rei pije'ēj haireta ijetarei jyre haire jyvareapo hekui ñani mbiva shevera ipape. ¹¹ Votava ranga je'ū shureta heshaverã mbypará Ñanderu Tumpa iñe'epe Ñany mbo evera haereka mbe'ū kavi ñande. Jajaroma ja'ã ara ñymba tyvasu vaē pe. ¹² Kyrarame haipe mo'ãte ñymbo'y kavi te'ēra iko kaviva tingareko kavi ije'ē ma'ēkui õ'ãjeverã ¹³ Hãra hē'ēia tenderã pipityva pohy^'ãteri yvy iãre ēva ryhēvairanga. Ñanderu Tumpa hējapa pohyitepe jajepyiranga po'ē handi. Ime'ē pohã pijepy'ēvera Hara hã me'ēpo ñande pete tape jajepy'ēvera. ¹⁴ Kyrarame shyryvyre hapyrypa rekova pysyry'shivi jara rãnga pymby vēnte piva. ¹⁵ She haijetape ñaka kavivape pypy'ã pimbijeta kavi kova she hãivare. ¹⁶ Y õ'ū ãpyva ñande ñamaikavi Hesukrito Cēnape hēshaka ñande ñandypy'ã ñamy petema Hesukrito handi hūguy jipijerevekue hara pahã ñande ñambijaōva hēsha kuara kova ñañymypente jyve Hesukrito andi hete runi. ¹⁷ Imera pēnte pa hã'ãi Hesukrito ñandy reta teva ñande pente tetei ranga Hesukrito iglesia ja'ūra pahã peteva Hesukrito cena. ¹⁸ Pyma'e Israel reta re vokava hō'ūva mbe'ūava so'ō mypente'ãra kova mbe'ū reta ryheve. ¹⁹ Mbaivara haipota ãipe kova mba'e hamby vete rapo me'ēva so'õ me'e'ãva kova ñandeja rangape. ²⁰ Mararapo haijy pe kova mba'ē me'ēva mbaēposhy pe guara. Me'eã Ñanderu Tumpa pe she ranga haipata pepiko mbaēposhy irura. ²¹ Katuãranga pe pe'ū Hesukrito y^ hõūpyvavi hara mba'eposhy y^hõūpyva jyve. Katuãranga piñy mypente Hesukrito cena vi piñy mypente ranga mba'ē poshy mesa handi. ²² Patarã ñambyposhyve Hesukritope ñanypyrata verashi. ²³ Opambe'ē ranga katu jajapo, opa mbe'eitea ranga haikavi ñande peguara. ²⁴ Avy'yitei mbava ty'ēka ijupe guarainte aikavi shuvara (iprovecho). ²⁵ Opa mba'e ovende'ava so'õ hēvape katu pe'ū pypyrandu mba'ēva pe'ē pypy'āpe ñē'ē herape. ²⁶ Ñanderu Tūmpa hái ña'apova kova yvy, opamba'ē oivami ipope. ²⁷ Pente jyrojamba Hesukrito re jurure perama py karu handi vera, hãrã pota pe'orame pe'u opaite oiva ñono'ãra'ãva pynonde pypy randu mba'ēva avy rangapo pypy'ã mokoi pēē pypy'ape pijeta rame. ²⁸ Ime'ē hei peva ko so'o ranga me'e'ãva Tūmpa ra'ānga kyrarame ãvy pe'ū hãrã mbe'uva hãi pypy'ape reva ñēē. ²⁹ She ranga ha'e kova ndapisha py'ape ñe'ē re ha'ē'ã nde pypy'a pimbijeta ry'eve hã'ēa nde vokava. Pypy'ã pimbijeta ry'ēva mararapo she hambijije she shora'ãivi (sasongui) hajapo vera shapisha py'ape ñe'ē heiva re. ³⁰ She ãirure te'ē Ñande ru Tūmpa pe she hã'ūvare mararapo hyngavare ijeta poshy rehē, ãirure terame. ³¹ Pykarū rame ti pe'ūrame ti pijapo rame hyngava ra opa pijapo pymby ventera Ñande ru Tūmpape. ³² Avyitei piko pyvapi juda mbare maita Grecia mbare maira Hesukrito ry'ẽvaretape. ³³ She hãñe'ã'ã ãmbyvy'ã vera opaite shapishare opa mba'ẽpe hã'ẽka she pavaria she ãika she verai hã'ẽkave shapishare aikavishuvera hõjepevera.