1 2 Shengamba katu aintepo ha'eara she Apostol. She rãnga haéshavekuea Hesu Kristo hã ẽãrape she ãpirijapovẽkue Hesu Kristo rupii 2 ingavare she hãẽ rãnga apostol. Pẽrãnga katu hāipe pyrojaramei rãngapo pyésha Hesu Kristo jy apostol. 3 4 5 6 3 Harã kyrá ãmbory ijete porambávare. 4 Reko harãte jyve ore jyve katuir karuãvera háreka ỹ ho’ua verã 5 Rekoha áiteira õre katuãra rekoháve pẽte taupe ñymyngaraiva, yngã apostol raimí hãrã Hesu Kristo tyvyrẽ rãimi hareka pedro rãimi 6 sherã ahereka Beruabe ñointera orerã katu hãitei põiãshi ore japohavékua 7 8 mbavá rapo õhõ ñyraróra haẽipo ohó, mbavá rapo ñotyva Parral õhũāpo iarã mbavá rapo hỹmba mbykuakuarã õhũapo kamby 8 shera hãipe kova mbai she shãkape ouvai moise japovekua nde’eirãnga kyra 9 10 11 Moise jykuatiape oivékua rãnynga kyra hẽi avypo rijokua nurỹmba guéje jurupe jykyi teri’ẽ dekokuepeõvãrã kóvara ñonoka kuatiare Ñanderu Tumpa ojepy’apyhé guejerã 10 Haẽreta ñande kuimbe hara taupe re Ñanderu Tumpa jyva mbyparaajyvé kova ĩñẽẽépe kova, myngũiva ikokue yvy hara jykypo ikoipiõ iãre mbaapo hãropoé ihupityvérá ikopeõre iã. 11 Ore ñotyhá pyndypyãpe Espiritu Santo ryhévarã. Mainanga tivísho rãngapokui myno’ohã pyndyhevirã ore potahava yryrére pevarã. 12 Yngavãre porukavi katuvora rekava. Katuvéamara ore hipityhavévera. Ajemai kuaa kavitéva ore potã poruha kova kayuva (derecha) imerekóava ore jepỹhahe ora mãĩnunga potánte ñonoho mbai pohyva yrykovepera yryvy repevarã mbe’uhaterite Kristo ĩñẽẽ haikavivarã. 13 Pikuãngambape kuepi levita (o pa’ i) Ñanderu Tumpa hovasupe mbo’a pova íme haipe mba’apovaivi. Pali haipe mba’apova me’eava Tumpa Pevorã ho’u tumpapa me’ehava ho’o. 14 Kyrã Hesu Kristo pota tevẽ ĩñẽẽ mbeuva haikaáviva ikovérãvé kova japohavaivio (Tembiapó) 15 aipotava ambeuvera Hesu Kristo ĩñẽẽ haíkoviva. Potaiti amánomo airure véamavérã tymborỹkare she ambeúverá – Ñanderu Tumpa ĩñẽẽ haikoviva, mba’ety hekyshy hevivérã kova hyrákua áiva. 16 She ajemai ambeu’airã arekóa mbaivehera airójashishé verã vokava ajapoñóipo. Tenga she ambeu veara. 17 She teiva ajaparápova apitypove ajapova hepykue, Hesu Kristo rãnga shokue ikoshyhevi verã hai jokueréva. 18 Akuarã mbaivara ajókueva japova hepy, vokava hai vy’a she arekova Ñanderu ĩñẽẽ ambeu’airã Ñanderu Tumpa ĩñẽẽ haikoviva aporya she aikatuva (derecho) ambeupevéra ñe’e py’ahúva (evangélío) kóva mbyhepyamba she ryheve. Kova she ajápovare. 19 Kyrárã ãiã mbava ipopo’ ajemai kyrãrã ãi ópava jokue verãva, apity verã ópava mãĩnunga. 20 Kyrá aiko Judió repaupe, aiko Judió rãĩmi apityshuvérãré kova ñe’e py’ahuva (evangelio) py, she aikoveama Moise japova ipope, potaiti apity revẽshu reta 21 Hairenta rãnga tenta kurentare Moise petei kuimba'e kuamba rãimi Moise mbypara vekua ã'ē aime ai haipe Tūmpa ray japo vekuare ipopee renta apitypo airenta Tūmpa ray ñēē kaviva hãrã jaiko vērã Hesukrito rupīi Moise mbypara vekuambape. 22 Kangyva mbyntepe she aiko aive kangyvare apityverare, ko ñeekavia. Opaiteva pevarã aiko haíre raimí añoheverã mbovyī haikavivape. (Ñande ru Tūmpa pevarã). 23 Opaite kova mbai, ajapope ñeekaviva reheī rãnga, she aiko vērã haire rãimi. 24 ñanyrētara o'a añete ranga, petei'e shymēē verã katu añenteite pentei'e ñyme'e vara katu kaviñaniarepy, jameranga piñani kavipo pipity verãve pepiñani pehovaa repy. 25 Hai oñehãã kavihaiva hipity verã porãmbavi petee yvyra roky ñapeava ñakare reahaikavia mymashyava haikavia pytukavia hai areapo porañade haira petei'e ñakarerea ñompeava jaikavia harõ kavi'a ñymbaimba ēvãpe. 26 Ha irache añani rãme, oñanireia, harã ãrãrõrã ainūpã yvytureiire, 27 kyrã she anyhã ajocha vērã renta, chyrete heta mba'e poramba poichivērã, she aipotavape mãhē she amboishu retarã oñehã kavi verã, hãrã she teíva asyryshi Hesukrito hapeivi.