Djawupuku 64

1 Wirõ gami go krey llmbaty, edjy gami kandjambawõ dje cha'ã ruwa ita wachu, 2 Go tata endywã kaipawã akambi emi ypu nonga; go nonga djawugami dje bykuapyredji djedji byllãngi wychepe, go tapy wywy okryrallã ga modo dje chã ruwa 3 Dje djopowe wechãmbyrã ore warõllãgi emi edjybu ita wachu okryrallãwã emi dje chã ruwa. 4 Kowe nonga dje djapowe djedjiwa kua agipe prawodjiware, kowe bue'e wywy krampillãwerã gorãwē endarã ῖllãwerã wechãmbyre go nonga bue'e 5 Dje wēmbu dorowerã djapo djuegi djapo gatuwãgi djiwagi; kowebu dje prãndja oredji wedjabuare djepe, tãrã ruy'y ore wywy djapo reko bue buchã, go nonga djepe dje ore kuwē reko kowebu 6 Orē rõ bue bra'a nonga, go are buedjapopawe kbeigatu djepe go nonga tyru bra'a buchã nonga emi; ore wapipa roma djo wyra o piãndjãmbyre, ore prandjadjiwa go rõ wytu rawe nonga roma djo. 7 Illã dje bykuarãpyre pukawã ῖllã buandygi kawãwã djedji, go buare ore wywydji dje djemi dje cha'ã, wedja mondo orepe bue buchã djapowe buebuchã djapo endawe 8 Go nongabu djepe, dje Jaweh, ore rõ mo'õ dje ipope, dje rõ ore djapoare, ore rõ dje ipo djapowe. 9 Dje prandjaecheme, Jaweh, kuaeme mondo ore prandja wedji, kowebu ga mai dje ekoãndy 10 Dje ekoãndy prawopyre djapipama, Siondji ekõwerã ywy bue'e illãngi, Jerusalen endawe roma mondo. 11 Dje tapy wachupe, ore apã wywy pre endaty, gogi tata krapimbama go bue wywy ore llapo biribuchãngi kbeigatugi go djãwã buare kuichopa. 12 Kowe krey'y rupi, Jaweh, kawa gatu emi djawullãpe ore krãmpimbabu