1 Awa ãwegi go ekowegi chupa Edom puare chupa wachu Bosra puare. Tyru pirudji idja wema chupa ymachidy wachu djiwa. Cho ro llãpãllãpe djapowe Jaweh djawu mewe eko kuwebyra cho chidja rupí. 2 Buera dje tnrupira? nonga dje pyrowe nonga chipapura llaa tyy uwa nonga. 3 Cho pirõ chipopura llaa tyhuewa. Go chupa byche pua illã cho kuwewa. pradjaechedjiwa pyrowera byllãndygi chodji; go chupa rekuatywa pirawedjiwa nonga eiwipa cho tyru pirandji. 4 Wema duweruybu gogi pepywa cho djããpe. Djonombyredjiwa wema matawa djuipuagi. 5 Mai gatueche illa cho djepywa. Cho krymaillambu wecha gatuwe illa duwe cho djawe, gobu cho djywa chope kuwewa emi cho pradja chodji ekoandy chochidja. 6 Cho pradjaechidjiwa pyrombawea chupa wywydji. Cho pradjaechedjiwa krapibawera gogi wywypw gobu cho pira kawama ywydji. 7 Cho kuawera wyche Jaweh djã gatudjiwa, idja bue gatu djapoare oredji. Dje djaãã gatuechedjiva Israel puadji idja chimga djeky go prawo Nein a wachudjiwa. 8 Jaweh inawe awegigogi, wywy cho chupa, cho tey wywy upiallawa chodji. Gorõ matawera gogî wywype. 9 Tãrã okryraechedji. Dje inllaweetakra buetygi mata werã djuîi bucha puare, Jaweh rõ godjapo idja matere bue bucha puare chinga djeky reko go prawoechedjiwa gogi wywype. Idjarõ puare upiwe djywa llabu. Gorawe djapo kreybu wywy. 10 Gogi djama Jawehdji, go pradjare krei gatudji, gobuare prawoillama gigi wywydji tomumbu roma reko godji wywy. 11 Gogi wywykua go vodjewaredji: Jaweh buetygi Moisesdji, go pranduma: matyikrei gatu idjape mearegi? 12 Gope mata gatuive Moisespe ipo chidjaeche llurekuaty; kreylla roma mombo ypura wachi Israel pua wywy charuwa, gogi wywy maiwa ywadjiwa chidjueche. 13 Gope matareko gogi wywy machawa ypura rupi, mbepura nongu matawa djoillawa kaiboilla rupi. 14 Jaweh kreigatueche kuwe reko gogi wywype, go mymba waroandygo nonga chupa kuãmbuku peworupi, go nonga wata gatureko dje ekuandype gogi wywy kua gatuwera dje djawu go tuwera. 15 Ore Jaweh maiê ywadjiwe. Dje ekuaandy kbegatumimbi gatu dje. Matyi idje prowo gatu dje djywa chidjaeche? Matyro idje djã hua gatu dje. Djawaechedji go dje chinga djeky gatu? dje praechedjiwako dje chinga djekyimako oredji? 16 Dje rõ Apã; Abrahan kuailla roma djo emi Israel kuaillambyrã djepe oredji, dje rõ ore Apã eechedje mbykuapyre nodje che buare, dje rõ ore matawa bue bucha puare. 17 Buera, Jawe orepe upiadje ape gatu rupi emi ore djã krere go wenduillaechewa dje djawu? eko ore djawe, dje prowo gatudjiwa dje buetygipe, djeirõdy ekowêrãgi piuwodjiwa. 18 Buera ore byllandygi chidjape ike prellambatype, dje pre llambaty pyrõ mbaoredji birirekoty? 19 Tarama dje orepekuwe gatuilla, dje chupa pua illa mirora nonga ore.