1 Jerusalen faanga dje bypegatuwera; Ecoma dje chapibã yaweh ydja bype gatu jdji. 2 Maigatugami, ecobora yby peyapabara chûña chupa byby wechañowera bua´e ywy; dje Jdjahu Jerusalen Jaweh kreywawara ydja bypegatu dje labu ivarã (dje atakra eche dje bypevera) 3 Duba chupafagi ecobera dje bypegidji yobu ekuafa, chupafagi ymachichagi wywy edjiekõwarõja kray minwi bypagatupa. 4 Naiga mondo dje jabeba nonbodji maiga kove matypyradji, akonbagi dje rekuaty. dje taywywy muchakrafuare akowera dje takucha kovera ydja Aiyachieruvaru. 5 Gabu dje maibera, dje bypewara dje yaã konbopyra. djewytewera, dja dja´wê ekowera tarawucha ypura rugua, duwechupafaagi dja megatugi wywy eruwerajdefara. 6 Tara Bepuradji dje chepape, Madian umi efagua akowera. Sabafatygi; eruwerã wutamiriwuchangi dja wuawy teywu gatugi ydja preêverã Jawehdji ydja mjtawa megateetedji. 7 Go cedarfaãgi myma. naãnbyva ydja wachupara ydje yawê, wachupuruchuegi Nabaiotfai miwera dje jawaviypi vryyatupe, kaiwyrangipe. gorecho kaîwyre endoty jaãhu, cho kaiwyreendoty dje chupafagi kbegatuwa. 8 go ydja byrakara ypagi wawa ydja wakyrei nonga emi waruko nondo idja owã ydja iku endatype. 9 Ka mẽwãnapu yrugua pagi go chupapagi chope warõ'i. Go byrakaraguachu pangi, Tarsis paty garã ẽ eruwera byche muchakraparu dje ray wywy; eruwerta idja ytomirimuchdji emi jaja wuta bu bydj ekowera Jaweh rekuaty, Israel Rekuatygi põra Jaweh. Idja kua'agatu ware idja chupa puatygi. 10 Duwe chupa pagi ekowera, puãwerã dje tapy pecheatygi ybadjiwa, tãrã ymachidjadji ekowerã dja wuetygi: cho prãllãguare cho pachowe dyepe. Kowera cho ja'ã gatuma emi chinga llukybera dadji. 11 Lla tapy ekuandy pecheatygi pecheñawerã, pecheñawerã kreybu emi chawape, ekowã idja wuebirimucha dji llellaporã. 12 Duwe chupa chupa chichategi pralla lluegi dedji kullãwera inwechuwerã. 13 Go Libano byra wegatugi eru wara dja llaporã. Emi Cipre byra Pino emi bolles wywy eru migatuwã cho tapyguachu cho tapy na'inãgipe gogipa wywy choparo ury gatu me'e wã. 14 Cho chupa idja raiwe dje biriwewa djepe emi ka bucha muchã ury djachi gogi dyapipyra dje charugua ĩ werã ja'õ wychopu, Djepe pukapyra Jaweh tapy, Jerusalen, Israel djãpo rekotygi. 15 Djero inwechewerãmã pinangugi emi jã'ã wychopa, llero kuañã wytywe ekowe, kowewure cho puaware djapa cho djapowerã dje dji ymãguachu go eawa krapi: ñawera ury ere wera dje chi apã wywy ekongi dja maĩwã. 16 Djero ekowerã duwe chupa pogi wua wywydji idja ymãchichagi wue wywy wegatugi goro dje djãporã. Gowu dje kua'a werã choro dje Apãeche, Jacobo Jaweh chichaetegi djechi wutame'ẽwa dja kuwewã. 17 Bronsedji endawape eruwerã ita biribuchangi, tykõkrere endawepe menbyre Ita biri idjugi: wgra endavepe Bronse ita endawape tykõ kreregi. Okryragatu dja yãwewãrã emi bue djapo gatugi. dje rõ ymachichagi nongarã. 18 Inawerã emi wenduwyrã go chupupa tõ mumbu pambu yukawechema emi dja'ã achy djerõ bykuawerã ye tapy mamandygi Iwadji kuwêandy, dju tapy pechuatygi kuagatu pyra. 19 Dje rekojuellawerãma krey dje chapiwã kreybu emi jachy krendy Jaweh nandje rekoatygi rõ go rõ nandje chapiwerã krapî bechewerã ydja krendy. Jaweh dja rekoatygi krendy iwerã djedji. 20 Ye krey ikêbechewerãma emi djachy krendy kãdjã bechewera Jaweh krendy dje chapiwã idja krendy gorãwê îwerã nondjewa dje pypywe tyru buchã. 21 Dje chupa puagi wywy ekõwerã ydja a tupa emi ekowerã ydja ywy echepe: chorõ gope peche cho tyrondygi Israel ywy baky gatu idja pechepyre we'êgatuwã cho ipo djapowedjiwa chope pre'e rekowã. 22 Go ichãkrãngi rõ chidjawerã duwe 1000 etakra wachu go prarugi ekõwerã chupa chidjaete cho rõ Jaweh dje apãeche mãwembu krey idja djapowerã wyche idja inandy rypybechema.