Djawupuku 6

1 Go yamachidja wachu Usia mano ruype, cho, Isaia wechama Rekoatygipe wapy imbu ywadji dja wapyatype go kbeigatugi llabu dja tyru wachu embe embepamimi rekoatygi tapy wachu. 2 Go djawẽ ĩ djere reko dja ywadjiwa buetygi Serafin wywy, go etakrã wywy reko wachapa pepo, mirõ pepope pechema dja pychã, go mirõ pepope wewe o. 3 Gobu puka reko edji, Praru gatueche Praru gatueche, Praru gatueche, nandje Rekoatygi ywadjiwa: Jaweh ywadjiwa chidja gatu ĩ ywy llabu embepa romami dja bype gatu rupi. 4 Go ike lluãndy kueraparoma dja djawu chidjarupi, go Rekoatygi tapywachu tata tãchîdji embepa romami. 5 Gobu cho ina: llu, llu, chorã manowerã: chorã etakrã ywy llabuwa djawu buchãndygi, cho ekõ emi go chupa djawu buchãgi wywy bychepe, gonongabu djepe cho cha'ã wechã go Jaweh ymachidja wachu chidjaechegi. 6 Etakrã ywadji buepytygi ekốma wewemabu cho endape dja ipope teko tata wa'a endygi, erupyregi we keî llambaty puare tykõ krere papyatygipe . 7 Go budjama cho djurudji, emi inama: Kowerô udjawerã dje embedji, matawã djedjiwa djembi wywy, go kuchîwerã djedjiwa bue buchã. 8 Gobu cho wendu Kekoatygi djawu, inama awaperô cho buewewã awaperô cho buewetã gopu cho ina: kowepe, cho î. Chope bue mondo. 9 Go inama: amatykua djawu kiuwã go djã'ã go ekoandy Puagipe: " Pendje wendubu djepe, bue Kuabechewerã." 10 Krere mondo go djã'ã go ekoandy pua peche mondo idja pycha wywy. Peche mondo emidja chã'ã, go wechãllawã dja chã rupi, go wendullawã emi dja pycha rupi, go ĩkẽllawã dja djawãpe bue wywy, go djewyllawã ape buchã puare go idjape îllãwã Kuwewãgi. 11 Gobu cho pranduma: mawenongawerã, cho Rekoatygi. Go inama chope: go buchãba pewe dja ekoandy wywype, go ekã bechewerãma go tapype, bue imbechewerãm go bue lla'a. 12 Cho Jaweh djapipawerãgo ekoandy puare, budjakrãpe bue illãmbawerã go ekoandype. 13 Gope ĩmbu manowedjiwa etakrã tapa go etakrã tapa tapadjiware, gogi bychepe ĩ wyche manowerãgi: djuapyre nonga go wyra wachu gop ĩ idja apowe, kowerõ okywerã wyche, gononga ekõwerã go chupa, go manollawegidjiekõwerã ekuandy neina wachu.