Djawupuku 56. Bue gatu rekowerã go djapogi Apã Wachu inandy nonga

1 Go nonga inama Jaweh: Djapo mondo go inambyre nonga cho kuwẽngatu wẽ ruwyma, gope wechãwerã cho bue gatu djapo. 2 Ury gatuwerã go Kbe´e emi buã rekopabu djapopawá inambyre nongaeche, go krey/bue/djopollãndybu bue adjubuchãllã, emi ury gatuwerã go prarullãngi bue buchã djapowã. 3 Go duwe ekoãndy puagi kua gatubu Jawehpe djawueme: Jaweh chope matãwerã djaekoãndy puare. Go kbe´e eunukoemi djawueme: Cho rõ wyra apo lly´y piãndjawe nonga. 4 Go buare Jaweh inama: Go Kbe´e eunuko wywy bue djapollãmbu go cho llapo krey bue djapollãndype emi djapobu cho djawu membyre djapoechewãngi, wedjallãmbu cho djawu parapyredji. 5 Gogi wywype cho mewerã dja endarã cho tapype, cho tapy embe rupi tokape, cho bykuawerã gogi wywype/bykuapyre gatuechegi dja tey wywy emi tey kudjã wywydji, cho bykuawerã/gogi/wywype gorawẽ/dja bykuapyre rekowã, go rawẽ endarã matã/bechewerã bykuapyre. 6 Go duwe ekuandy puagi kua gatu rekobu Jawehpe ĩwã dja buetygi nonga, bue djapollãmbu go krey bue djapollãndype emi adju/buchãllãwã emi wedjallãmbu cho djawu membyre djapoechewãngi. 7 Gogi wywype cho rawerã go ita kuãmbuku go cho mĩ gatu pyregipe, cho urywã gogi wywydji cho tapy Wachu go Krandobuã endatype dja we keĩmbawe mĩma cho llapo we keĩ endaty llabu, cho ury gatuma go cho tapy Wachu puka rekopyrã krandobuã endaty tapy, go duwe ekuandy rekuatywagi puarã. 8 Jaweh, pendje Rekoatygi noãmbawerã wyche Israel puagi wywype go kandjãmbawegipe go inama: cho tãrã noãmbawerã go noãmbyre/wywydji. 9 Go we wywy djõ puatygi, emi we djarõ wywy ka´a puatygi, ekõmba gami bue upawã. 10 Go cho ekuandy pua ywadji wapy endaty maĩ rekowã, chãĩllãmbama, wechãbechema bue kuallãma, gogi wywy rõ begi ikẽwe nonga, emi begi djarõllãngi pachabu ikema gogi wywy, ikẽ djue wyche gogi wywy. 11 Gogi wywy rõ begi nonga bakupyre weche u tarãmbu djepe epollãeche; go ekuandy pua wywy wachupurã warõandygi wywy warõ djuellãma wedji, gogi wywy õdjuema dja kuerewe rekuaty, etakrã wywy kuara reko dja llaporã bue´e, gogi wywy idjuema go wywy bychepe ymachidjagi 12 Gogi wywy pukareko, ekõ gami, chipopurãty tykuwã, chã wata pewe, kuẽmbu kuẽmbu kuẽwerã emi etakra krey, kowe krey emi go nonga werã, go kreype krey gatuwerã enda.