1 Pua Sion chidja gatuiko dje Jerusalen go chupa nadje Apã prawowegi pypy mondo dje echedji go tyru kbegatugi. ẽko llaverãma tapy tãrã duwe rekuatywa ja buchagi dje chupape. 2 Puaga mondo go ywy tachidji dje Jerusalen puaga mondo dje Sion tey mondo gami ichã muchã byre dje rupy djiwa. 3 Go nonga ina pendje rekuatygi Jaweh. Go gi wywy pendjepe karapyre mella byre buta pendje dji ka mebyre go ka puiwera wyche pendjepe. 4 Go nonga ina Jaweh rekuatygi jeowa. Cho irõndy wywy wedja werã dja ẽnda pywegi Egiptope ẽkowã gope dja endarape emi chupa Asiria rawe gogi wywype ẽkõ puchã idja chupape. 5 Buerõ ẽkõ kowebu ina rekuatygi. Cho cupa ka rapyre ka kuarekowa idja dji idja djawu chidja rupi biry pyre go gi wywype. Go nonga ina pendje rekuatygi go rãwe cho bykua pyregi llula reko. 6 Go buare cho chupa go kreybu gatu werã dje bykua pyre emi koawerã chorõ djawuwe kowepe choĩ. 7 Kbegatu go djawu ratygi kiu rekowa kowe djawu okryra gatu. Kuwe gatu djawu emi Sionpe dje rekuatygi ẽkoma ymachidja wachu nonga go ywy llabu. 8 Wendu gatu gareko go tõ eilla gipe. Kuwe gatuatygi emi meiwa go ekuandy mamabyre ywadji go djorãdji ĩgi go chupa ruwa. Go giwywy ury gatupe ĩ pukawa edji wywy wechã ware idja chã ichepe nadje rekuatygi ẽkõma Sionpe. 9 Jerusalen endawe wywy pregareko urygatu me'ẽ idjape emi ury gatuiko nadje rekuatygi ury gatu mima go chupape emi migatupoma Jerusalenpe, 10 nadje rekuatygi puamondo idja ipo go ẽko gatugi puara duwe wywy chupa chã ruwa. Go ywy krãpipe wecha werã nadje rekuatygi chidja emi kuwe gatuatygi. 11 ga mondo bue buchãgi emi pokoeme go dji wedja paga mondo gogi go pendje ratygi nandje rekuatygi puruatygi wywy kuchĩ ga mondo bue buchagi. 12 Kãdja ime emi chã opoeme Babilonia chupape.. Jaweh Rekuatygi owerã pendje ñuawa pendje owa rekuaty go Israel Rekoatygi owerã emi pendje kuere rupi. 13 Meigatu gareko cho buetygidji buegatu wywy wẽngatu pawerã koarekowa go pyamiwerã idjape go krãpipe upipyrã idjape. 14 Tãrã kydje pawerã wechãbu idjape ache wywy nonga llama eche duwe nonga llama wedjama ywy llabuwa eche nonga, 15 Tapy tãrã wywy chã opopa werã idja chã ruwa yma chidja wachugi wywy idja djuru pechepa werã wechãba werã kiullabyregi wywy kuagatu werã go wendullandygi wywy.