Djawupuku 50

1 Go nonga ina Jaweh. Maty rõ endago kuachia pparapyre me'ema pendje ai'ipe wedjaware idjape? Maty rõ ῖ duwe etakrã kua gatugi chodji cho mewegi, wechã gatu: dje prandjãwe djiwa. Cho mewedjiwa mema djepe. Pendje ka chidja buã'ã chodji cho wedjama pendje ai'ipe Siónpe. 2 Bue ware rõ cho ekõmbuare djullãechema idja wywype go cho pukawe wywydji. Ïllã kuwēwãchpe. Pãpῖ ko cho djywakuwēllãwã pendjepe? Chidjallã ko cho kuwewã pendjepe djuei buchã wywype. Wechã gatu cho djawu chidja rupi ῖllãma ywachu: y minindji djapoma ywyechema mondo emi pira ype ekõngi inembama y tykudjuedjiwa emi manombama 3 Chãwãpe mima mondo ywadjiwa wywy gogi djuwã tyru wachueche nongagidji. 4 Apã Wachu rõ ywadjiwa cho rekoatygi. Go me'e chope etakrã djuru cho djawu gatuwã go puaingipe. Idja paroma chope krey wembu go djawu cho pychape wendugatu wãdjiwã dja buetyechegi nonga 5 Apã Wachu rõ cho bygatutygi cho pycha pechebu djepe chidja buã eme. Cho wedjallawerã dje djawu. 6 Cho mewerã cho pyche chope Pachodjubu emi cho chã'ã emi cho butadjiwa, djemillãcho chã'ã emi chodji djakabu emi chope embery djuebu 7 Apã Wachu rõ cho bygatutygi, chope kuwē gatu cho krymbawerã: go buare cho djepe krerema cho chã'ã go ita krere nonga cho kua gatuma krymba rekowerã. 8 Rypyllãeche djedji ῖ cho djawu gatu meadygi: go nonga awa rõ puawerã emi chodji, go djuei djuegi chodji ekõ ga cho engate, 9 Maῖ pyry ga Apã Wachu rõ cho bygatutygi. Cho kuwēandygi, awa rõ djawu buchã chodji gogi wywy djueipawerã go beky polillã uwe nonga go tyru 10 Awa rõ pendje bychepe krymballã Apã Wachudji emi wendu buetygi djawu dje ekõmbu djepe chãwãpe emi wechãllãdjepe go krey tuwygatu kuagatu Apã Wachu go pychy dje Apã echerã. 11 Llu'u pendje wywy rõ tata endy nonga pendje warõ gatuikõ dje wachῖ endy. Pendje rõ wawera pendje tatape go pendje wachῖ endydji wywy rupi. Cho ipoechedji wēma kowe buue pendje endapego djui wachuwerã emi ῖllawerãma emi