1 Wendu gami dje Jacóbo tapy bykuapyregi emi Israel , pendje ekuãwe Juda y tãrã rupi, pendje mema djawu Apa Wachu bykuapyrepe, go pendje kuawegi. illã djepe ku inallãpe emi buedjapo gatupe 2 Pendje puka pyre ẽkuandy pua pravo pyre Apã Wachu puãra go Israel kuwendygi bykuapyrepe warõ gamo gami pedje kuwẽ wãgi byuapyre Apã Wachu chidjagi 3 gogi bue ekõ bawegi, chorõ djawuwegi i gocho djuru rupieche kiu pawegi , go ekõ werã cho inawe nongaeche 4 cho kua'a gatu dje chã'ã kypegi go dje rupy kype hierro nangeche go dje uwa bronse nonga. 5 Nodje wema cho inama djepe kowe bue kowegidji cho kua gatu wegi go ekõ werãgi , ka djawueme , gorõ cho Apãllagi djapopyre go cho ipo djapo waregidgi gogi bue'e chodju wẽ bama. 6 Djerõ wenduwe emi wechãmbawe kowe bue'e , emi pendje kiullãwerakõ, kowewu cho kiuwerã djepe bue pougi emi djemi byrepuagi dje kuallãgi 7 Kowebu djapoma idja llãgo krey wacha wegi go krey kowewu djepe wendullã wyche kowe bue, emi djau tarãime, go nonga cho kua'a gatuma emi. 8 Dje wendubeche werã, go bue dje kuallãgi , go nonga che wywy dje pycha pekollãbyrã wyche wendu wãgi emi bue wywy, cho kua'a gatu jerõ djapipawegi cho djiware djerõ djapo djuellã cho djawu dje ĩbu wychebu dje e'i kra'ape 9 Cho bykuapyre pravodjiwa puillã cho pradjãwe,go cho eche endygatu djiware maimbu cho eche kãwãwa djepe mi buchãllãwã 10 Kowepe , cho djepe kuchĩma, gonangallã buta kuchi byre nonga , cho kuchĩ bare cho o kryrallã meandy djawãpe. 11 Cho djiware go cho prawodjiwa cho djapo kowe bue'e gogi emi , go nonga emi brallãwã cho bykuapyre, cho pravollã duwegi ko chidjabuãwã cho endawepe. 12 Dje Jacóbo wendu, go dje Israel emi cho pukawegi ; go rõ , emi pychetywagichorõ emi tãpitywagi emi 13 cho ipo mibyre kowe ywy neina wachu , go cho ipollu'u pe mibyre ywadjiwa wywy; cho pukabu gogi wywyoe ekõbawerã cho endape. 14 Noãgareko go wenduwã , awarõ pendje bychepe kiu gatugi emi bue ekõ . Cho , pendje Apã wachu prawo gatugi , cho djapowã go cho djapo djuegi Babiloniadji , go cho djywa wydji re ropawerã caldea pua wywype 15 Cho kiupawe kowe bue'e kowegi, cho pukama gogipe erupawã emi gogi wywype , dje djapowegi bue gatu werã. 16 Ekõ gami cho endape , wenduwã kowe bue'e , nodjechewema cho inallã djemibyre nongallã; go kowebu cho, rekuatygi chidjagi , cho ĩ gogi wywygi go cho me'ẽ gogipe krei gatu. 17 Go nonga inawe Apã wachu dje kuweangygi, Israel ekõ gatugi; cho rõ dje Apã wachu, dje kuwẽgi ekõ gatuwa ekõ gatuechepe, cho kiu'u gatuverã go kua'a gatuvã dje lluãva rekuaty 18 Dje wendu gatubu cho djawu membyre gigji , dje okryragatu kua'a gatu rawe ywachu wata nonga, go dje, bue, djapo gatu upi rawema y puã'ã nonga y wachu pua nonga. 19 Go dje teywe rawe ywy kui'i nonga do dje irõndywywy ywy ku'i ã'ã nonga , go uwellãrawedje irõndy bykuapyre gogi wywy krapillã rawe cho cha'a ruwa 20 Wẽ kua Babilónia pua, kandjã Caldea pua mbychepe; ogamondo kiuwã kowe bue kowegi urygatupe go kiu gatuwã go ywy krãpi pewe inabu. Apã wachu kuwẽma buetygi Jacóbope. 21 Go ytyku djuellãma gogi rõ rapyre nonga wywy kairõllã rupi; ita wachu djiware y nuembyre gogi wywy puarã bowobu go ita wachu wẽmobu y 22 go djembigi puarã illãwerã okryra gatu ; ina Apãwachu