Djawupuku 46

2 Wama go ka djapopyregi rekoatygi Bel chã nonga, emi wama o webo djapopyre wywy upima dja mymba djata llambu, gogi wywy upima dja mymba djata llambu, gogi wywy wata reko chã djapopyre wywy chupã byche rupi gua buchã pewe, dja mymba wywy chã djapopyre puy wachu wata rekobu. 1 Bel emi Nebo, rekoatygi chã djapopyre djapima emi chã wychoma, gogi wywy matãllãwerã duwegipe djuei buchãpe imbu, kowebu rama go wywype muchãmbyre wywy duwe ekuandype. 4 Pendje, Jacobo tey wywy, emi pendje Israel tey wewe manollãwegi wywy wêndu gatu ga mondo, cho rõ kuwêma pendje ei'i kra'ape îmbuare. 3 Cho rõ ruwallãwerã, pendje chuepurã pewe emi pendje a'a warapa pewe cho kuwêwerã pendjepe; cho rawe nonga, cho rawe nonga pendjepe, tãra cho rawerã wyche 5 Awa nonga pendje chope mîdjue, awa rõ cho nonga?. 6 Gogi wywy rõ matã ita biribuchã dja nakõ puare, buã reko manonga puy'y reko dja buta, mê reko dja buta ita biribuchã go itadji bitatygipe djapowã dja rekoatygi chã djapopyre nonga, gobu kmarãma dja chã ruwa prema reko idjape. 9 Pendje kua ga reko kowedji emi tãeme ga mondo, pendje djãwã djawu gatuiko pendje bue buchã djapoatygi. 8 Pendje edji kua ga reko go nondjeche ekõ mbyregidji; cho rõ pendje Apã Wachu, emi îllã duwe Apa Wachu, îllã duwe cho nonga. 10 Nondjechewe cho kiuma go bue krãmpipe ekõwerãngi, go nondjechewe cho kiu gatuma go bue wêwerã emi go bue cho djapodjuegi go rõ cho djapopawerã. 11 Cho pukama krey wendy rekuaty go kane go chupa rypyechedjiwe go kbe'e cho pukawegipe. Go bue cho inawe wêwerã, go bue djapodjuegi go rõ cho djapowerã emi. 12 Pendje chope ga wendu, pendje djã kreregi, emi pendje rypype îngi go bue djapo gatudji. 13 Cho rawerã pendje endape cho djepygatu, rypymbechema cho kuwêngatu, rypybechema emi. Siompe cho matãwerã djue buchã puare emi Israel cho djapo mondowerã wechawã cho chidja gatueche.