Djawupuku 4

1 Go krey gogipe djypetã kudjõpychywerã etakrã kbe'epe go inama idjape ore uwerã wikytã emi ore pypywerã ore tyruechegi wedja gami ore rekowã dje bykuapyre, matã gami oredjiwa go chã teychetygi Apa Wachu kuwẽ gatuma emi Jerusalepe. 2 Go krey gogipe Jaweh wyra o okygatuechewerã kbeigatuechepe Israel ẽkoãndype chidja gatupawã emi djawugatupawã ury gatuechewã go Israel pua wywy manollãwegipe. 3 Go djuwerãgi go pytaweregi go Siónpe go wachawegi go djuei buchã rupi emi go ekõwegi wyche go Jerusalempe pukawe gogipe djagatugi noga; go Jerusalempe parapawerã idja bykuapyre wywy kuachia djawupe. 4 Apã Wachu kuchîmbabu go Sion tey kuchã wywype djã adju buchã go kuchimbabu go bychepuare Jerusalen pua pirãwedji djawu puywãpe go idja pachopyrã rupi. 5 Gobu Jaweh djapowerã go Sion kuãbukudji go idja ekoãndypua llabu nuãmbyre tãrãbuchãgi go baky rei tachîdjiwagi go kreype go tata endy rõ bypema mondo chãwãmbu bue wywy llabu îwerã Apã Wachu bype gatueche. 6 Peche rekowã gogi wywype go krey akudji emi baky wachudji go wytu chidja buchãgidji.