Djawupuku 39

1 Duwe ruybu Babilonia ymachidja wachu Merodac Baladán, Baladán ra'y , wendu Ezequias achydjiwa buemamomdo idja endape buepytygi kuachia parapyredjive rama bue wywy kuabu eche gatu buera roma. 2 Ezequias uryga tueche idjape we buare. Gope wechambyra idja eruwe buta ita mbirichangi bueteiwu gatugi bue tapia gatu. Gobu emi pe akua wywy rekowedjiwa djononbyre idja ike endatype. Gope bue wywy ingi tapy nainagipe duwe chupa wechambyra. 3 Gope Apã Wachu djawu Isaias oma ymachidja wachu Ezequias endape gobu pranduma idjape: matyro ekowe chuegi wywy gogi wywy djeji buerõ ina. Ezequias djawuma gogi wywype : eko chupa budjakra puare Babilonia pua chodji. 4 Isaias prandu wyche idjape: buerõ wecha dje tapy wachu puare. Ezequias djawu : wechambyra kowepe imgi. Illãma bue cho djemiwe. 5 Gope Isaias djawuma Ezequias pe: Wendu gami Jaweh Chidjaechedji djawu dje puara 6 Eko werawycheduwe kreybu, gobu bue wywy dje tapy wachu puagi, go bue wywy dje apãmai bue wywy noawe koveche bu, rapyra Babiloniape. Go rekoatygi djiwa ina imbechewera bue kowepe 7 Dje rajy wywy byche puare iwera rawangi Babiloniape. Gope eunugo emi buetygira ymachidja tapy wachupe. 8 Ezequias djawu idja djaape: cho monoillawyche go nandje ekombu okryragatupe emi krymba gatupe gononga mandje urugatu. Gobu Djawuma Isaiaspe: Cho wechama kbe gatueche dje eruwe djawu Jahweh meewe