Djawupuku 38

1 Go mawe kreybu Ezekia achy buchã ramo mano ruwype ῖ. Ekõ ma idja endape Apã Wachu djawu meãndygi Isaias, Amos tey, inama idjape; kowe nnga Jaweh djawu djepe, nuã gatupa ga mondo dje tapy pua wywy dje manõwã, dje achy kuwēbechewerãma 2 Gobu Ezekia to'õ pychety djerema tapy pecheatygidji gobu krãndobua'ãma Jawehdji 3 Inama idja: Jaweh, cho pukama djepe kua gami chodji bua'ã ware ekõgatuwã dje chã ruwa, emi cho djapo endawe dje djawu me'ēwe dje chã ruwa dje dja'a urywã. Gope Ezekia chῖ ga wachuma djo 4 Gobu Jaweh djawuma Isaiape, djawuma idjape: 5 Amaty kua, djawu Ezekiape: Jaweh, dje apã David rekoatygi, kowe nonga djawuma djepe: wenduma dje krãdobua'ã, emi cho wechãma dje chã ry. Wendu pyry gami: Cho mēwera etakrã ipo (15) ruy'y dje ekõwã kowe ywy llabu 6 Cho kuwēwerã djepe, emi kowe ekuandy, Cho matãwerã go Asiria ymachidjagi ipodji, emi cho djepywerã kowe ekuandy 7 kowe rõ dje puarã Jaweh me'ēwe, wechãmbyrã, cho djapo bitaallã werã go cho djawupawe nonga djepe 8 Wechã gatu gami cho djewywerã etakrã tapa wicha (10m) krey'y ywa kuatygi go Acaz djapowe, go krey'y djewywerã etakrã tapa wicha (10m), go wēma idja inawe nõnga 9 Kowe rõ Ezekia pre'e, Juda ymachidjagi, go idja eche achy kuwēware paraendawe 10 Cho ina chodji: cho ekõware kreybu wywy cho owerã mano ekuandy djawã rupi: go ruy'y cho warõwegi warõbechema 11 Kowe nonga cho djawuwe: Cho wechãllaãwerama Jaweh manollãgi ekuandy; emi cho wechãllãwerama ache wywy kowe ywy llabu ekuandy 12 Go cho echedjiwa krei'i matãrawe chodji, go wachu purã warõdygi nonga idja tapy dju rapapu duwe rekuaty owã, emi wyra wiro nonga, ga nonga chope wiro rawe echo achydji; go cho krey'y wywy krampῖ rawe go chãwã ekõbu. 13 Cho eche achydji cho kuē upa. Gorõ kuichononga choikãwywy djuku ikã porõ nonga go, rõ achyaty kreybu emi chãwãmbu wywy 14 Go kuyra rokopurã nonga emi bewyra nonga cho chῖnga ekuandy, waruku nonga chῖnga omatã, ywagji cho cha'ã wechã cho rekoatygi, chope chidja gami, cho rõ djueipe ekõ 15 Bue rõ cho kiuwerã idjape, idja inawe nonga rõ ekõwerã chodji, cho chidjallãwerã go cho ekõmbu wywy kowe ywy llabu, cho jawã achy endawe 16 Cho rekoatygi, kowe wywy rupi ywy llabuwa manollãwyche, go rupi emi cho kreei'i chidjam djo cho bua'a krapῖ rawe; dje rõ cho kuwiãre me'ema chope cho ekõmbukuwã 17 Kabewãllãpe djui wachu rupi cho djuma, djãwã gaueche dje chope matãma cho djuei buchaware emi dje itypa dje pyche rekuaty cho, djmpãwedjiwa 18 Go tata wachu pua djedji kuallãwerama go manowe djepe ury mellãwerã go manowe eche pechepyre warõllãwerã ma dje kuwēngatudjiwa 19 Go ekõngi kowe ywy llabu gogi djepe pre'e rekowerã, go cho pre'e meē nonga djepe kowe kreybu; go apã kiureko idja tey wywy dje kabewãllãdjiwa 20 Jaweh chope kuwēma, go ware pregamondo edji emi parã mondo wyra parã Jaweh tapy wachu prellambatype go kreybu wywy 21 Gobu Isaías djawu wyche: Kawã mondo igo kui kumbepyre gobu bujamondo idja eche keitadji go eche gatuwã 22 Gobu Ezekia prãduma; Mawenonga wechãmbyrã cho owã Jaweh prellãmbatygatupe