Djawupuku 37

1 Gobu, Ymachidja Ezequias go wama emi, go tyru choropama gobu mundema tyruweipe emi oma Jawen tapype. 2 Go buema, emi go tyruwei gobu go buei wywy buãrotygi; Eliaquin, paratygi go sebna go chueipura wywy emi pa´i gobu dja djawuwera. Apa Wachu djawu meady. Isaias go Amoz teype. 3 Go inamodo: dje duwetykowe etakra kreybu gobu djueiwachuwera, go djaka chidjama go djawu buchãgi mawenoga kreybu krumi opowã. go chidja rekollama. 4 Gobudji Jaweh, dje rekoatygi go wendu wera go djawu go opywã chidjagi go dje Apa Wachu gobu ymachidja wachu go Asiria puã buema modo gobu djawu budjama byllãware Apa Wachupe manollagipe pedje Jaweh. go gerekoatygi gobu dja djaka chidjama dja djawu rupi. Elevan, gobu, etakra krãndobuãma miriware nawyte i´i. 5 Go buepytygi go Ezequias oma go djawuwa Isaiaspe. 6 Djawuma: gogi wywype ina modo dje rekoatygi, ymachidjagi kowe noga Jaweh djawuma; Krymballaeme go djawu dje weduwegi, go Asiria yma chidjagi dja buetygi wywy gogi wywy djembibudjãma Apa wachudji. 7 Cho miwera etakra krei´i idja djãwape, cho djapo wera weduwa djawu pãrãwachubu dja djewyma dja êkuã dype. Cho ekombu dja ekuãdype, cho djapowera manowã pêmbukuwachu îmbe. 8 Oma emi Rabsaces. Go djuwã Asiria ymachidjagipe, go tõ mumbu ekombu Libna chupape; Go weduma pui endawe Laquis rupiwe. 9 Go wendumbu, Tirhaca go Etiopia ymachidjagi wema´o, tõ mumbu wã; go wendumbu, modoma djawu parapyre raty gi Ezequia endape, Kowenoga djawuma. 10 Kowenoga djawy Ezequias, go ymachidja Juda pua; djepe kamewae me, dje rekoatygi, dje kuagatuty, gobu dje djaww: Jersualen go wallã werã Asiria ymachidjagi ipo ywydji. 11 Dje kuagatu Asiria ymachidja dja djapo pawe wywy go enkuandy wywy rupi dja djuei pawe wywy; Dje ymachidja rupi kõ dje wewerã?. 12 Go ekuandypua wywy apawachu wywyko djui pdwe cho irody nondje ware kuwe gatuma Gozanpuagipe, Jaran. Rasef emi Edem tey wywype go ekõwegi, Telasar ywype 13 Maty i kowebu go ymachidjagi go hamat ekuãdypua, Arfad ekuãdy pua ymachidjagi emi enkuady pua ymachidjagi sefarvaim, Hena emi Ivagui. 14 Ezeqiaspe kawama go djawu para pyre go eruaregi ipodji, go djawu pambu oma Jaweh tapy pre'e llãbatype, gobu kreyllama go djawu parapyre Jawe chã ruwa. 15 Ezequia kradobuama dja rekoatygipe. 16 Jaweh chidjaechegi, Apãwachu Israel, dje eko dje ywariwa dje buetygidji djero Apãwachurõ ekuandy wywy rekoatygi, emi dje djapowe ywa emi ywy 17 Jaweh djepycha wendugami, dje chã´ã maîgami go senaquerib djeji djawumbu chãchema go ore rekoaty manollãgidji. 18 Ka inallaechepe, ure Apa, Go ymachidja wachu go Asiriapua Djuei pama modo chupa igi ure djere wywy ure enkuady rupi emi. 19 Go djapi pama tatape dja bei chãdjapopyregi, gogirõ chã noga bewagi gorõ ywyllambuwa Ache djapowe, djapowe wyradji. 20 Kowebu, dje, Jaweh nandje rekoatygi urepe matawe idja ipodji, go enkuãdy wywy ywy llambuwã kuagatu gami, dje rõ ure Apã wachu. Jaweh chidjaechegi. 21 Emi Isaias, Amos teype modoma go inawã go Ezequiaspe Gonoga ina go Apa wachu, rekoatygi Israel rekollagi gobu djeba dje krandobuama chope Senaquerib. go Asiria enkuadygiwa Ymachidja go wendu papyrema go. 22 Cho Apa wachu eche go ina awe ymachidja Go dare memby Sionpe pukareko emi djudjareko dedji go Jerusalén membype djujareko go dje pêmbuku wachu kuerama tõ daregi. 23 Awari ka djudjapyre; byllãgi awari go djawu budjamak. byllagi awari pukawera go mei reko chã kriwiechena go bylla reko go kreigatu Israel puagipe. 24 Gobu byterupi go dje mundjatygi dja inabyre kiu mondo gobu tãrã budjawerã go cho bei wyra kara buata llambu go djopiwera ywy ywa ka´rupi go. Libano embe rupi, Cho modowera wyra wywy cedrope î duipawera go bei gatuwera. Cipreses; ekowera ga dja kuerawera go ka byte rupi wewera. 25 Cho ywy ikua wykowera, go dja y´y tykuwã, go cho pychã biri pawero modo go bedjnpawera go y purã go Egipto rupiwa. 26 Go wedulla go djawu gobu cho djapowe go dja imbu go nande waregi, go dja djapowã kuallabu gobu dja kreybu go cho kuawera go djapoweta. go kowebu cho djapowerã dje itapawerã dja tapy tãrapechepyregi go djere ma modo î beitewera pirywe ita nuãdygi. 27 Go êkuadynagi, go prarupama dja chidjaware bawe rekollama, dja djuipana dja krãmballama; dja krãnaite go rupi eko kueity mo´o rupi waty noga gonogaku djora go tapy llambu djono bytygi noga go nondebu iware go bedjuma! 29 Cho kua gatu dje wapy weku Go mawe noga ikê go wêwera. go emi dje pradjama go dje chodji byllama, wicha wachuma dje pradja. 28 Go chodji dje byllama. Go wemambu go cho pychape wicha wachu endawe. Goware cho djonowera buei wapagi dje pytadji, brewipura djuruwa pychytynogagi go tacho tynogagi go dje djurudji go mon dowera go owera rupiwa ape rupi go maty go enkowawe rupi. 30 Go Ezequiaspe buãrã kowe dja kiuwera; ekowe gonogaiche îwera kowe ruy rupi dje uwera go dja rupi dja go wêgatu pawera iware go gorupiwe go ruy brewi pycha rupi dja petewerã go chipo purã ãkã go uwera dje chipo purã lla´a. 31 Go enkuady Judá go kãdjama gope i´i go iko wytembu gope tapytãrãwera go djapiwera apo wywy go dje djapowã. 32 Ka inallabyre. Go Jerusalen pua go kawachu go Sion go ekõwegi kuwebyrã kowe mewerã go prawo wachu wera go Jaweh go dja chidjaeche rupi. 33 Goware. Apa wachueche go dja inama: Asiria ymachidja enkuady go rupi. go ikêlla wera, go tapy go dja enkuadype go dja machi piralla wera, emi petetygi wella wera, go tapywa go ike dyrekuaty, dja tõ allagi eche pechedygi go djarigo dja puãlla wera go ywyllabu buachawã îta petepyre llambu wata. 34 Go ape owe rupi go djewykua. Go ikellawerã go kowe tapy wagi go ikêllawerã, go ina nande Jaweh. 35 Cho ba go wãrõ wera go tapy go kowe gi go kuwe wãkú cho, go chope djawu pyre David dja prawo ware 36 Go wemabu dje Jaweh ywariwa dja ywadjiwa buetygi go pacho pama djono 185.000 Asiriape go dja djawu nuã wachu reko. Go Judape wagi go emi puãma go kuerupi go wedjama go djenoba ywy rupi go pêwã baî 37 Gobu Senaquerib, go ymachídja Asiria pua. Oma gope go dja ima go dja iwerãma go Ninivepe. 38 Go dju weraku go dja Krãndo buãreko go djaprei endaty tapadjawa puagi dja apachudji Nisroc, dja tey Adramelec go Sarezer go pachoma djono go pycho djono pêmbu kuwachupe, gobu djewyma´o duwe ywy rekoaty Ararat. Go dje enkuadype dja Ymachidja dje tey Esar Jadón. enda wepe.