Djawupuku 36

1 Kowe noga wema Ezequia yma chidjaetakra buyra pychú ruy Senaquerib. Asiria ekuandy pua yma chidja iko bropawã go Juda pua wywy llabu emy djono idja ipo ywy dji Jerusalen erõ llagu. 2 Go Asiria pua yma chidja to alla wywydji nua wachupe Laqui chupa rupi Jerusalen chupa rupi go mobowa Ezequias llabu: emi go ikoma wapyma y embedji go oma Ape rupi emi tyru kuchidjygi ywy tyrõdygi. 3 Emi wema gope Eliaquim hilcias tey chupa puagi yma chidjagi bue biri waroadygi emi sebna go kuachia paratygi emi Joa Asaf tey go bioatygi go yma chidjawachugi emi bue tãrã kueady tãrã buee Judápe. 4 Emi Rabsaces inama gogi wywype djawu Ezequiape Asiria pua yma chidjagi go yma chidja echedji. Gonaga inama idjape awadjirõ pendje kua rekodjirã. 5 Ka djawu kura emi kiu reko bue gatu rupi dje orepe wapy miwera awadji rõ mudjachera awarõ djepe kuwe weragi. 6 Meibyry djerõ kua gatu Egipto go wycha praru nogagi go wycha praru nogagi go pychydjue wychape pychowã ike bawera idja ipo rupi go noga emi kua rekoty Faraon Egipto pua yma chidjagi. 7 Emi dje chope djawu: nadje kua ga reko Jaweh nadje Apã Wachu Ezequias gonogalla emi ywy y wa kaî endayt gonoga emi djawuma Juda emi Jerusalem pua wywy mebyra emi kua gatuwa Jerusalen y wadjiwa bue Keîndy go etakrache mudjawa. 8 Kowebu cho puka chodji djapomi Asiria ekuandy yma chidja. Cho rekoatygi mewera djepe mirõ Beipura wachu dje wechabu awaro emi wapy kuagi bepurã llabu 9 Manonga ka chidja bua wyche Asiria ekuandy yma chidja go idja rekuatygi idja duetygi chidja llãgi. dje kua gatu Egipto go. wyra kara wywy emi bepurãllabu wywy. 10 Djeko inakura gonogallã ore ekõ bropawã pedje Apã rõ djapo djue pedje Apa rõ inama chope amaty kua bropawa chupa puagi wywy. 11 Go mawebu Eliaguim sebna emi Joa ina Rabsaces: ore pukama djepe dje buetygi wywy Siria pua djawupei ore emi djawu Asiria pua djawupe djawueme orepe Juda djawupe. Go wendupabu ore irõdy wywy in go pechepyre llabu. 12 Emi Rabsaces ina cho rekuatygi chope buewe djawuwa kowe noga pedje wywy Juda pua wywy djawuwa. Wewerã kowe krei pedje ro uwe go pedje uwera puchi emi uwera pedje karu mokõwera. 13 Gobu Sabsaces puiãma emi puka chidjama Juda djawupe. Djawubui wendu gami. Asiria ekuandy yma chidja djawui. 14 Go ekuandy yma chidja wachu kowe noga djawu pendjepe meeibyry Ezequias ka bewallawa djueiwera pendjepe matawa go djuei wachupe inbu. 15 Go noga eme Ezequia kua gatuech pendje Apãdji rõ djawubu ka inallã Jaweh echepe kuwe gatu edji: Go pua chupa wallawera Asiria ekuandy yma chidja ipope. 16 Go wendu eme Ezequiape: go noga ina Asiria ekuady yma chidja wachu ike kua etakrã reko pyragi chodji emi eko gami cho ekuandy: Emi pendje uwe wera wyche chipo purã llaã igo lla'a emitykuwera emi upudji. 17 Iko wera wyche cho rawera wyche cho ekuandy. Go bue tãrã ã'ã chipo pura lla'a ty'y wikyta emi chipo puraty tãrã gogi ingi dje chupape. 18 Mai gatu iko wedja eme Ezequia ka bemallawa djawubui Jaweh nadje kuwe wera emi duwe ekuandy Apã Wachu ka mewallã kuady wywype Asiria Ekuandy yma chidja ipodji. 19 Maty i Hamat emi Arfad rekuatygi wywy. maty ii sefarvaim matama ko Samariape cho ipodji. 20 Awa rõ ko rekotygi emi ekuandy kuwewe idja chupapape cho ipodji. Emi buera go gomawe pendje mudja djuegi guei pendje Apadji. 21 Eliaquim Sebna emi Joa go noga djawueme djawu llachema gogi wywype noga sjawuma emi gogi wywype ekuandy yma chidja Ezequia djawueme idjape. 22 Go nonga wewera Eliaguim Hilcias tey. Bue biri gatu warõdygi sebna. Puratygi emi Joa. Asaf tey yma chidja bioatygi doropama tyra emi o Ezequias endape biopawa idjape rabasaces rawera dja djawu wegi.