1 Go kreybu cho rekuatygi pachopa werã pê´êpukupe mebo purawachu. ka chidjagi ype mebo takuagi Asiriape mebo pura wachu kãdja wegi Babiloniape emi djukapa werã mebo purã wachu Egiptope. 2 Go Kreybu Israel dje prewera go chipopurã ty´y kbegatugi. 3 Cho dje rekoatygi, dje kullandy go rawê cho piry ekuawa, cho kuwê reko werã djepe, kreybu emi chawabu. Duwegi mibucha llawerã djepe. 4 Go pradja iwegi cho djawape, kãdjama. Go ingika kytã go djupika. Go djirõ cho tõmubu werã. Go dji cho pyrõba werã emi cho mendypa werã. 5 Iweko chidjagi chodji. Go djawa adjullagi chodji, go gi ekõ werã dja okryra gatu. 6 Go kreybu wewerã. Jacobo apo pouwera, Israel llapo´u gatu uberã ebe miwerã. go ywy llabu. 7 Pacho verãba Israelpe. pachowe nonga go idja pacho aregipe djuja go gi wywype djuka we nonga dja djuka regipe. 8 Go rekoatygi pachopa werã go gi wywype go gi wywy wedja ware rekuatygipe go ruwawerã go gi wywype wytu chidjadji ekõgi kreybe rekuaty. 9 Go pacho puywachu matama. go djebigi, go rupiwe dji. Kuicho pa roma wekeindaty ita wywy go ita kalicha ytyma duwe Apã chã nonga djapopyre go Asera krey nonga djapo pyre emi. 10 Chupa chidjaechegi ibeche werã emi go chupawedjapa werã go ywy prendy nonga. go pe nuami werã achîpurã gope ure kowa wyra´o wywy. 11 Dja wyra ãkã wywy chãkã bama, kiopa werã; go kudja wywy êkõ wera rawa dja chakarã; kowechuparõ tõ gatu llangi, go buare japoaregi chingadjeky beche werã emi kuwe llabyrã. 12 Wewerã go kreybu, Jaweh Nuawerã trigo ã´ã ywewo Eufrate pewe Egipto krãpî pewe, Jaweh Nuawerã wyche dja chupa wywy Israel chupa ywy echepe. 13 We Werã go kreybu gope. mybywachu werã ekõ bawa myrõ bawegi. Asiria chupape mondo pawegi. Egiptope, kbamarawerã preekuawa djarekoaty gipe Jerusalen ita Puã puku, êdarãpe Jaweh tapy Wachu.