Djawupuku 21

1 Apã Wachu djawuwedjiwa djawuma Babilonia puagi. Ekõma ĩllaechegipe ywyllabu krymballãma chidja roma wytu djeregi Neguev. 2 Nandje Apã Wachu chope djawupyre go bue mechãllãndy: Go dja djapo djuei dja djapoty djueiwerã djopi mojdo Elampe go dje, Media; peche mondo dja krymballãmbama dja puka. 3 Gobu eche ryrypama go kudja brawo opo ruwy nongabu. Go cho wendubu gobu cho krymballa emi mechãmbambu cho eche ryrypama. 4 Cho djãwã ryry budja roma gobu krymballã go krymballãware wychomba cho ury endawe. Kowebu cho krymballãma. 5 Djonombama tero chepellabu djonoma emi wapy endarã uwã go tykuwã. Go ymachidjagi wãroma ĩ emi dja rekoma pechetygidji ĩma. 6 Apã wachu inama chope: Dje o mondo djonomi kuwewâ kuwê gatuwâ dja kuawâ go mechãmbyrã. 7 Go Kuwẽandygi mechâma kbe'e nua wachuma go brewipurâ emi bepurã wachu. Maĩ gatu ga ekõ gobu maĩ pyry gami. 8 Djuku achy wachu nonga roma. Gononga ina Apâ Wachu cho gomawe îwerâ kreybu cho maĩ endarâ. Cho wachama go châwa wachupe warõ reko. 9 Cho mechâ rypyllâma kbe'e nuâma llabu go ekõma mirõ go mirõ emi pichadji go edji bawe kara rupi gobu djawuma : Wama wama Babilonia go wywy djapo pyre chã wywy dja rekotygi wywy wapama go ywype. 10 Cho tyrõma dje ekuãndype buarapama go mora ã buaratygi nonga mondo cho mema go kua gatu emi wenduga Apâ Wachu dja chidja rupi kuama Apâ wachu î iraelpe. 11 Apâ Wachu djawuwedjiwa djawuma: Edom puarâ seirdjiwe puka reko go cho ina warõndygi wẽ nonga wyche wewâ go krâpĩwâ châwa gobu kuẽpadje mondorâ? 12 Go warõndygi inama go prarueme kuẽ padjema o prarullâ emi chãwâ. Go prandudjuebu emi ekõ prându. 13 Apã Wachu djawuwedjiwa djawuwâ go Arabia puârâ: Pendje wata mondo go Delampe wachu châwâmbu go ka wachu rupi illâgi rupi. 14 Go pendje ekoãndypua tema pua rupi o mondo go djuwerâ dja y wêma ra mondo y'y rure rama î emi wikyta kuwê ga mondo go kãdjawegipe 15 Gobu rama pêmbuku wachu dja echechedji pêmbuku wachu îmbe putẽ go rapa machî kya'a wywy go tô mumbuwã. 16 Apã Wachu inama chope: Etakrâ ruy rupi mawe nonga go go djapotygi wywy ĩwegi dja puârã. Gobu cho chidja rupi llâbawerã tapy târâ wachu Sedarpe. 17 Go etakrâ djawu pytygi emi tõ mumbuaty chidja machĩ djywã kuagi go Sedarpe puârâ, ĩwegi dja ury gatu go nonga ury gatuma wachuma go Apã Wachu. Go Apã wachu Israelpe.