1 Go ruy rupi Sargon tapy tava Asiria ymachidja mondo go tõ ãllãgipe nõa wachupe Asdod tapytãrã ipo ywydjima jono idja chidja ipo rupi wema. 2 Go rupi Apã Wachu djawuma Isaiaspe. Amoz tey rupi gobu inama: Amatykua dje rekovegi tyru bui'i dje echedjiwaregi bui emi dje pychambire dje pychãji: emi Isaias djapo go noga emi wata eko pychaeche emi tyru pute idjadji. 3 Emi inama Apã Wachu: Cho buetygi Isaias ikowe nonga brewipychã ruy puku rupi pychaechegi makã tyru putengi, djapowerã mechãbyra Egipto emi Etiopiape, 4 gononga emi Asiria ymachidja puagi awerã pychywã go Egipto emi Etiopia puagipe ekuãdy pua wywy krumi emi chuegi go kbuchuewe pychãeche emi maka tyrudji emi echecherupi wata roma o Egipto pua wywy chã wychõ roma 5 Emi juda pua wywy oachy emi kryballãma kua gatu ware Etiopia emi Egipto pua wywy chidja rupi. 6 Kowe krey rupi eko emi juda pua ina djawu tãrãwerã mei go filiteo pua wywy emi fenicia pua wywy kua gatu buã'ã Egipto emi Asiria chidja rupi: Bueware koare ko are ka buã'ã reko gogi wywydji?