1 llu'u go ekuandy Pãmbu dja pepope îngi Etiopia y'y wachu ruwa. 2 Buema dja buetygi wywy y'y wachu rupi. Go djapogi wyrakara djapopyre takuadji o gamondo go buetygi myrõ takuadji o gamondo go buetygi myrõ takuãngi. Idja ekuandy pua ymapukudji dja eche mimbi gatu duwe ekuandy pua krymballã idjadji. Idja ekuandy pua chidja buchã emi duwe rekuatywagi idja ekuandype î ykrõrõ gatu wywy. 3 Pendje ekõngi kowe ywype wechã gami upibu tyru mini kuãmbukudji pendje wendu gatu gami bue miby rekobu. 4 Apã Wachu inama chope cho maîwera djemipe idjadjiwa cho wapyty djiwe. Go krey'y chapi gatu nonga go mbaky re chapy nongadji noãmbyty nonga tãllãpe bue pechepyregi. 5 Wẽ'ẽ go puty, mbeju nondje ekõma duwe mondowa ãkã wywy gobu djapima. 6 Go wedjapawerã go kuyra kuãpe ekõngi go we'e teyche puarã. Gope kuyra wywy îwerã go krey akubu, gobu emi we'e djarõ go îwerã ruyy bῦchãbu. 7 Go krey duwebu go duwerekuatywa ymachidja dja eche mimbidji eruwerã bue kẽĩ mewã Apã Wachu puarã. Duwerekuatywa krymballã idjadji chidjaeche reko dja ipo wydji tãa ekuandy wywype, go ekuandype y purã tarã ĩ. Gogi wywy rõ ekõma kmãrawã Apa Wachu chidjaechegi, chã ruwa go kuãmbuku, Siompe.