Djawupuku 15

1 Apã Wachu djawumema mirõ tapy Ar emi Moab djichawambu andaweroma mondo go nonga eche chawambu endawerama kir emi Moab endaweroma emi 2 Mirõ tapy Buiit emi Dibn chinga roma reko prellambatype Moab irondy wywy chinga Nebo emi Medebadji tõ'õdjupῖ roma mondo emi buta djupῖ roma emi 3 Tapy ekoandy rupi pypyma tyru bra'a tapy llabu emidjudja ekoandype chinga puku emi chinga omatã wywy 4 Mirõ kbe'e Heshon emi Eleale puka chidjaroma idja djawu wendu Jahaz pewe; go Moab tõ allãndi wywy puka djãwã okyrallã wywy 5 Cho okryrallã Moabdji dja irondy wywy kãndja wegi wēma djo tapy Zoar emi Eglat Celicia pewe oma chinga roma djo Luhit ape rupi chinga puka roma monob Horonaim ape rupi paty kuicho buare 6 Go Nimrimpa y'y wykopyre djueiwerã emi djõra piandja bawera wyra o kuichopama imbechema vyra o'o etakra prana gatugi 7 Gobuare rama idja llapo tãrã rekowegi djo nombawegi go djemiwã go Sauce ka rywo gatupe y'y krãpi ruwa 8 Moab irondy wywy puka chidja roma mondo Eglain pewe wendu roma chinga Beer-elim pewe 9 Go Dimon puagi wywykopyre pirã embepawerã, choeruwerã bue buchã Dimon llabu, go djuku mudjãwerã kandja wegipe emi duwegi wywy ywy llabuwãngi