Djawupuku 12

1 Go kreybu dje djawuwerã: cho pre'ewerã cho ury mewã djepe, dje cho Jaweh, dje cho djapidjepe kowebu dje chodji chingadjeky romami. 2 Kua ga reko Apã Wachu, cho rekoatygi chope kuwêmbyrã: chokuagatu idjadji emi cho krymballawerã; idja meê chope chidja, go buare cho pre'ewerã idjape, chope kuwê buare. 3 Urygatupe pendje matawerã y'y go kuweandygidjiwa. 4 Go djawu werã go kreydji, pendje pre'ewerã Jaweh emi urygatuwã dja bykunpyre kbeigatudji. Djawugareko bue ibpo kbeigatu duwe ekoandype, kua ga reko dja bykuapyre naina wachudji. 5 Pre'e ga reko Jaweh bue tãrã djapo buare, go krapĩ ywy llabu mechãgatuwã bue wywy. 6 Ury gatu emi pre'e ga reko, dje Sionpe ekõngi naina wachueche Israel rekoatygidjã kbegatuechegi, djapowerã pendje bychepe.