Djawupuku 11

Jesus Cristo, go prawo mi go tupyregi yma chidja wachugi. 1 Wẽ wẽrã etakrã wyraakã go Isai wyra apodji go etakrã wyra pou lla'awerã idja apodji. 2 Apã Wachu krei gatu ekowerã go llabu; krei kua gatugi emi go tõ gatuto gatu djiwa emi krymballã mendgi ekõwerã Apã Wachu djiwa. 3 idja djepywerã djawu wendu gatuwã emi krymballãwã Apã Wachudji idja, djapollãwerã idja chã'a wechãnonga, emi idja wenduty nonga duwewenduwegi. 4 Djawubowo gatuwera go bue rekollãngipe, go bue djapo gatu rupi djawu bowowerã go chupapuagi ka chidja buallagipe, Pachawerã go djã'ã buchãngipe, go krei gatupe djukawerã idja kuere mudjallãgipe. 5 Go bue djapo gaturõ idja krytadjiwa, go djã'ã gatu rõ idjaeche pe hetygi. 6 Go krachowã wachu îwerã wachupurã ray poudji, go djamo îwerã ikêwã mbechepe raydji; go achipirã ray, go djuku raydji îwerã edji wywy, etakrã krumi kuwêwerã gogi wywype. 7 Achipurã emi cherywachu uwerã djorã pua idja ray wywy ikewerã edji, go djuku eme uwerã djorã go achipurã nonga. 8 Go krumi kaãdji pychegi djudjawerã membo ikua llabu, go krumi kã'ã pyche llãngi go membo ikuape pokowerã. 9 Djapollawerã bue buchãgi emi buchãllãwerã cho kuambuku prawapyregi; go chupapua embepawerã. Pendje Apã Wachu tõ gatudjiwa go y tãrã embu nonga y wachu pua. 10 Wemba werã go krey gogipe, go ekoandy wywy kuarawerã Isai djypywaredjiwe etakrã tyru chepe mini nonga pua werãngi îdja ekoandype puarã, ekowerã ury gatupe. 11 Go wembawera emi go krey gogipe, Apã Wachu pouwerã idja ipo kuwewã go manollãwegipe, Asiria pua, Egipto Patros, Etiopia, Elam, Sinar, Hamat go emi isla y wachu puagi. 12 Go Apã wachu pouwerã tyruchepemini upipyre, go ekuandy wywy puare ekõmbawera gõ Israel pua wywy kãdjamawegi ekowerã emi Juda pua wywy djapipa pyre duwe chengypychã rekoaty. 13 Apã Wachu matãmbawerã bue wechãkallãwe duwe llaodji Judadji byllãgi krãpi wera, Efrainwedjallãwerã o achy Judape emi Juda wedjallawerã o achy Judape emi Juda wedjallawerã o achy Efrainpe. 14 Gogi wywy owerã filestea pua llabu krey wa rekoaty go edji wywy matãmbawerã bue wechãkallãwe llapodji, go Edom emi Moab go rõ idja djãwe warã, Amon irõndy wywy djapowerã gogi wywy djawubu. 15 Apã Wachu bowowerã Egipto pua y wachu llabu pouwerã idja ipo y wewo Eufrates, llabu idja krei gatu chidja rupi gobu wachawerã pychãmbire pyryllã werã. 16 Îwerã go ape ekoandy pua eruwã go pyta pawegipe Asiriape, go apeĩbuare nonga Israelpe wẽ buare Egiptope