¹ Yo o tla go thubaganyang go nna ditoki o tla kgatlhanong le wena. Bayang batho mo maboteng a toropokgolo, disang ditsela, ithatafatseng, phuthang mephato ya lona ya ntwa. ² Modimo Yahweh o buseletsa borena jwa ga Jakobe, jaaka borena jwa ga Iseraele, le fa dirukutlhi di ba kgautlhantse tsa bo tsa senya dikala tsa mofine wa bone. ³ Dithebe tsa banna ba gagwe ba ba maatla di di khibidu, banna ba ba pelokgale ba apere bohibidu; dikolotsana tsa tlhabano di phatsima ka tshipi ka letsatsi leo di emeng sentle, le ditlhabani tse di dirilweng ka mosipera di tshikhinngwa mo phefong. ⁴ Dikolotsana tsa tlhabano di siana ka lebelo mo mekgwatheng; di sianela kwa pele di bo di boela morago mo mekgatheng e e atlhameng. Di tshwana le mabone ka lesedi, mme di siana jaaka legadima. ⁵ Yo oneng a tla go go kgaoganya o ne a bitsa ba ntlo ya gagwe, ka ba ne ba leofile, ba itlhaganela go ya go tlhabana mo motseng. Thebe e kgolo yabo e baakantswe go sireletsa batlhasedi. ⁶ Dikgoro tsa dinoka tsa patelesega go bulega, mme felong foo ga senyega. ⁷ Hassaba a apolwa diaparo tsa gagwe mme ba di tsaya; bo mme ba batlhanka ba gagwe ba lela jaaka maphoi,ba lela ikitaya mabele. ⁸ Ninive one a tshwana jaaka letangwana le le phunyegileng, jaaka batho ba one ba sia jaaka metsi a a elelang ka lebelo. Bangwe ba goela godimo bare, ''ema, ema'', mme go se ope yo o lebang kwa morago. ⁹ Tsayang selefera eo e e gapilweng, tsayang gauta eo e e gapilweng, ka go sena phelelo ya teng, go sena tse dintle kwa Ninive. ¹⁰ Ninive ga ana sepe ebile o sentswe. Pelo tsa botlhe tsa nyeroga, magwejana abone a thulana, mme matshwenego a nna mo go botlhe; fatlhego tsa bone tsa tlala ka kutlo botlhoko. ¹¹ Bo kae jaanong bonno jwa ditau', felong fa ditawana di jang teng, lefelo la fa tau le taugadi di neng di tsamaya teng, le ditawana, fa dineng di sa boife teng? ¹² Tau e ne e kgagola tse e ditshwereng di toki go neela ditawana; e kgama tse e di tshwereng go neela ditaugadi, ya tlatsa legaga ka tse e di tshwereng, le ditopo tse di kgagotsweng. ¹³ ''Bona, ke kgatlhanong le wena- se se bolelwa ke Modimo Yahawe wa masomosomo. Ke tla fisa dikolotsana tsa tlhabano mo mosing, le tshaka e tla kometsa ditau tse di nnye tsa lona. Ke tla nyeletsa tse o di gapileng mo lefatsheng, le mantswe a barongwa ba gago ga a kitla a utlwala gape.''