¹ ke monna yo ke boneng kutlobotlhoko ka fa tlase ga thupa ya tshakgalo ya ga modimo Yawe. ² O ntsamaisitse a ntira gore ke tsamae mo lefifing go nale mo leseding. ³ kannte o ntshitse letsogo la gagwe kgatlhanong le nna gantsi ntsi, letsatsi lotlhe . ⁴ O dirile nama yame le letlalo lame gore di onale; o robile marapo ame. ⁵ O agile lebota kgatlhanong le nna, mme a ntikaganyetsa ka bokete le bohutsana . ⁶ O ntirile gore ke nne mo mafelong aa lefifi jaaka ba ba suleng bogologolo. ⁷ O agile lebota go ntikaganyetsa jaanong ga ke kgone go sia. O dirile dikeetane tsa me bokete ⁸ jalo le fa ke bitsa ke lela ke kopa thuso, o itlhokomolosa dithapelo tsame. ⁹ O kganetse ditsela tsame ka lejwe le legolo, o tswetse ditsela tsa me. ¹⁰ O tshwana jaaka bera e emetse go ntlhasela, kana tau e iphitlhitlhetse go mpolaya; ¹¹ 0 tlhokomologile ditsela tsame mme a ntira gore go sale go sena yoo nthusang. ¹² O obile bora mme a ntebaganya le motswi wa gagwe . ¹³ A tlhaba diphilo tsa me ka motswi ko teng teng . ¹⁴ Ka nna setshego mo bathong ba me , ba opela ka nna letsatsi lotlhe . ¹⁵ A ntlatsa ka tshakgalo a mpateletsa go nwa setlhare se se botlhoko. ¹⁶ O pipinne meno ka motlhaba , o ntigetse mo leroleng. ¹⁷ Moya wame o thibetswe kagiso, ke lebetse gore boitumelo ke eng. ¹⁸ Jaanong kare ,''go itshoka ga me go latlhegile le tshepo yame mo go modimo Yawe.'' ¹⁹ Ga kologelwa ditlhofatso le matshwenyego a me, setlhare se se botlhoko le bogalaka . ²⁰ Ke di gakologelwa kgapetsakgapetsa mme ke ikobile mo teng game. ²¹ Mme ke neela se tlhaloganyo ka jalo he ke na le tsholofelo. ²² Lerato le le sa tshikhinyegeng la modimo le mautlwelobotlhoko a modimo ga a fele, ²³ di a ntshafala moso le moso; boikanyego jwa gago bo bogolo. ²⁴ '' Modimo Yawe ke boswa jwame, '' ka re , ka jalo ke tlaa ikanya mo go ene. ²⁵ Modimo Yawe o siame mo go ba ba mo emelang, mo go ba ba mmatlang. ²⁶ Go siame go emela ka tidimalo poloko ya Modimo Yawe. ²⁷ Go siame gore motho a itshokele jokwe bosheng jwa gagwe. ²⁸ A a nne nosi ka tidimalo, faa e neelwa. ²⁹ A a bee molomo wa gagwe mo leroleng -go ka nna ga nna le tsholofelo. ³⁰ A a neele letlhaa la gagwe mo go yoo mmetsang, mme a a tladiwe ka matlhabisa ditlhong. ³¹ Gonne modimo gaa kitla are tlhokomologa gotlhelele , ³² mme gone le faa hutsahatsa, o tlaa re utlwela botlhoko ka ntata ya lerato la gagwe le le sa tshikhinyegeng. ³³ Ka gonne gaa tlhokofatse go tswa mo pelong ya gagwe kana go bogisa bana ba batho. ³⁴ Go thubakela fa fatshe magolegwa otlhe a lefatshe, ³⁵ go rontsha motho katlholo e e maleba fa pele ga Mogodimodimo, ³⁶ go rontsha motho katlholo e e maleba- morena gaa kitla a tlhomamisa dilo tse o. ³⁷ Ke mang yoo kileng a bua mme ga dirafala, kwa ntle fela fa Morena a buile jalo. ³⁸ A gase go tswa mo molomong wa Mogodimodimo gore tse di molemo le tse di maswe di direge ? ³⁹ Motho ope yoo tshelang o ka ngongorega jang? Motho o ka ngongorega jang ka kotlhao ya dibe tsa gagwe? ⁴⁰ A re sekasekeng ditsela tsa rona re di tlhatlhobe, mme re boele ko go Modimo Yawe. ⁴¹ A re tsholeletseng dipelo tsa rona le matsogo a rona ko Modimong kwa legodimong. ⁴² Re leofile ebile re tsuolotse, mme ga wa re itshwarela. ⁴³ O ikapesitse ka tshakgalo mme wa re alola, o re bolaile mme wa seka wa re itshwarela. ⁴⁴ O ikapesitse ka leru gore thapelo epe e seka ya feta. ⁴⁵ O re dirile jaaka setlhobogwa le malele mo ditshabeng. ⁴⁶ Baba ba rona botlhe ba a re hutsa, ⁴⁷ tsietsego le go wela ka mamena ke ga rona, thubako le tshenyego. ⁴⁸ Matlho a me a elela dikeledi jaaka molatswana gonne batho bame ba senyegile. ⁴⁹ Matlho ame a tlaa tsholola dikeledi mo go sa feleng, mo go sa iketlang, ⁵⁰ go fitlhelela a leba ko tlase Modimo Yawe o tlaa bona a le ko legodimong. ⁵¹ Matlho a me a ntlisetsa bohutsana ka ntata ya makgarejwana otlhe a teropo yame. ⁵² Ke ne ke tsongwa jaaka noyane ke baba ba me, ba ntsoma go sena lebaka . ⁵³ Ba ntatlhela mo lehuting mme ba nngata ka matlapa, ⁵⁴ mme metsi a tshelwa mo tlhogong yame. ke ne ka re , ''Ke kgaotswe!'' ⁵⁵ Ke ne ka bitsa leina la gago, Modimo Yawe, ke le ko teng ga lehuti. ⁵⁶ O ne wa utlwa lentswe lame fa kere, '' O seka wa tswala tsebe ya gago go utlwa selelo ke kopa thuso.'' ⁵⁷ O ne wa tla gaufi le nna fa ke ne ke go bitsa; O ne ware,'' se boife.'' ⁵⁸ Morena o bueletse kgang yame, o bolokile botshelo jwa me! ⁵⁹ Modimo Yawe o bone tsotlhe tse ba di ntirileng; atlhola kgang yame. ⁶⁰ O bone ditlhapa tsa bone, maano a bone kgatlhanong le nna- ⁶¹ O utlwile tshotlo ya bone, Yawe, le mananeo otlhe a bone ka ga nna. ⁶² Melomo ya ba ba emang kgatlhanong le nna, le ditatofatso tsa bone di nna teng letsatsi lotlhe. ⁶³ Lebelela gore ba nna jang ebile ba emelela jang; ba nkgoba ka dipina tsa bone. ⁶⁴ Busolosetsa ,Yawe, go ya ka fa ba dirileng ka teng. ⁶⁵ O tlaa dira dipelo tsa bone gore ba seka ba tlhabiwa ke ditlhong! Ba gane morena, ⁶⁶ O ba alola ka tshakgalo o ba senyake ka fa tlase ga magodimo, Modimo Yawe!