¹ Oi Ko, Ulun galatia erai galu ! ense erai ngerayu iko? toan ko behe Yesus Keristus de salib tengawe ulun deo. ² Erai ra kakan desituk ap tong ko, on ko haot nerima merue gunen niang Hukum Agama, on gunen Iman? ³ Kegalu ko, ko haot nela lukun merue, on ko nehe kakan pesolung lukun kenakan unuk. ⁴ Awe gunay ko haot sasat lukun sengsara erai deo iro - Amun sika awe gunay? ⁵ on kah, iye ngokoy merue tong ko lukun ngene mujizat amun ko eso numun hukum agama, atau gunen iko dingan lukun iman? ⁶ Sama ngunau Abraham erai harap tong Allah gunen iro iye deterima jari kebujuran. ⁷ Gunen iro, mangat de kam ketoan ulun erai beriman deulek anak-anak Abraham. ⁸ Kitab Suci, one haot ketoan gunen Allah pekune ulun-ulun lain teke Yahudi gunen iman, haot lebih one ngabar berita buen tong Abraham leloy ngulek " Oha bangsa deberkati lalo iko". ⁹ Jari, ali erai beriman deberkati hayak lukun Abraham ulun erai beharap iro. ¹⁰ Uras ulun erai bolum neke hukum agama naan tangar pitay tulah, gunen naan detulis "Ense erai awe patuh neke erai naan detulis tay suang hukum agama lukun ngawing iye kune tulah" ¹¹ Jari, haot tene nehe awe naan erai tau depebujur tengawe Allah gunen hukum agama, gunen " Ulun bujur bolum awing iman". ¹² Gunen iro, hukum agama awe jari dasar neke iman. nget iro ley " ulun erai ngawing hukum agama debolum gunen iye". ¹³ Kristus nowus taka neke tulah neke hukum agama lalo iye jari kutuk tong taka, gunen naan erai detulis " Kune tulah ulun erai degonteng tay kayu tempelaki". ¹⁴ gunen tay suang Yesus Kristus berkat Abraham iba hampe tong ulun-ulun erai lain teka Yahudi gunen lukun iman taka ruku merue erai haot dejanji iro. ¹⁵ Erai butung senai, ap ngokoy contoh neke pengebolum tiap olo: amun janji haot de sah, bele iro kontrak sesama meresia, awe naan ulun erai tau ngebatal lukun nambeh on erai naan suang janji iro. ¹⁶ Nek iro ley, janji Allah tong Abraham lukun keturunan iye. Allah awe ngulek, "Tong keturunan-keturunan Iye erai nundru tong deo keturunan."... lukun tong keturunan iko, berarti nundru tong erai konge, yeiro Kritus. ¹⁷ Maksud ap hukum agama erai losek 430 tahun uli iro awe ahan ngebatal janji erai haot de sah awing Allah. Janji-janji iro awe tau penejaweh. ¹⁸ Amun warisan tay uwa hukum agama maka warisan iro awe eso tay uwa janji. Gunen iro Allah ngokoy tong Abraham lalo janji. ¹⁹ Jari, kenoon naan hukum agama? hukum agama deokoy gunen kenyala-kenyala, hampe keturunan iro sawi ngunau me janji ito de ene. Hukum agama kune gunay lalo neke malaikat jari perentara. ²⁰ Tagal perentara awe tau mewakili erai konge, padahal Allah iro erai. ²¹ Amun ngunau iro, on hukum agam bekelawan lukun janji Allah? pasti awe! gunen, amun hukum agama deokoy pakay ngokoy pemolum, kebujuran pasti sawi neke hukum agama. ²² Tagal, Kitab Suci haot ngehukum uras erai naan lukun uras ulun erai naan tay suang dosa ade janji gunen iman suang Kristus Yesus tau de okoy tong ali erai harap. ²³ Semale iman sawi taka de suruk tay pitay hukum agama, ade suruk ngunau tawanan ampe iman erai odi sawi penekite. ²⁴ Amun ngunau iro, hukum agama jari pengawas tong taka hampe Kristus sawi ade taka tau penebujur lalo iman. ²⁵ Nehe, iman iro haot sawi. Taka awe eso memerlu hukum agama jari pengwas taka. ²⁶ Suang Yesus Kristus, iko de ulek anak-anak Allah lalo iman. ²⁷ Uras ikam erai haot Pnekenus suang Kristus haot senuma Kristus. ²⁸ Awe naan eso ulun Yahudi atau ulun Yunani, walah atau ulun bebas, song lukun bawe gunen iko jari erai suang Yesus Kristus. ²⁹ Amun iko ampun Kristus, iko keturunan-keturunan Abraham lukun ahli-ahli waris sama ngunau erai de janji.