¹ Erai kune maksud, engkar ahli waris iro eso nekia, iye awe naan bedae neke walah biar iye ampun uras e. ² Iye eso naan tangar uwa kuasa pengawas lukun pengurus belai hampe waktu erai de ulek uma e. ³ Ngunau iro ley taka engkar eso nekia, taka jari walah awing merue-merue dunia he. ⁴ Gunen iro, engkar olo penggenapan haot hampe, Allah nyiu anak-anak Iye, erai belua neke bawe lukun tay uwa hukum agama, ⁵ pakay nowus ali erai naan tay uwa hukum agama ade taka iba ngangkat jari anak-anak iye. ⁶ Gunen ko anak-anak Iye, Allah haot nyiu merue anak-Iya tong suang aseng taka, eray nook "Abba,Uma" ⁷ Jari, ko lain eso walah, tagal iko haot jari anak. gunen ko anak, Allah Ngejari ko ahli waris lalo Kristus ⁸ Bayuh, engkar iko awe kinut Allah, iko jari walah neke on nge erai awe neke Allah. ⁹ Tagal, nehe,l hayak ko haot kinut Allah erai paling buen e ko haot de inut Allah, ngunau me ahan iko bepaling eso tong merue-merue dunia erai lome lukun awe beguna? on iko kakan jari walah eso? ¹⁰ Ko ngejalan perayaan tangar olo-olo, bulan-bulan, musim-musim, lukun taun-taun. ¹¹ Ap takut iya iya kemole ap erai haot de gawi ap tong iko jari awe begunai. ¹² Ap ngunok iko, erai butung senai, jari ngunau ap gunen ap haot jari ngunau iko. Iko awe naan kenyala tong ap. ¹³ Iko kertoan, tela e ap ngabar injil tong iko gunen roten erai de inam ap. ¹⁴ Bele keadaan unuk ap jari ujian tong iko, iko awe ngehina atau nerima ap, sebalik e, iko nyamut ap ngunau ap ehe malaikat Allah, lukun ap ehe Yesus Kristus iro gale. ¹⁵ Ngunau me berkat erai deinam ikam nehe? gunen, ap tau bersaksi tong ikam bayuh, gunen, amun tau, nyungkit mate iko leloy ngokoy tong ap lukun aseng sanang. ¹⁶ On neke ap jari musuh iko gunen petendre erai kebujur tong iko? ¹⁷ Ulun-ulun iro beupaya nyeruku iko, tagal awe lukun aseng erai buen. Ali kakan pekoro iko lukun harapan iko ngelo ali. ¹⁸ Memang buen, jaka taka ngene gawian toang erai buen, iya eket engkar naan ap. ¹⁹ Nekekia ap, gunen iko, ap hakun sinai kali eso nyandang kenare nganak hampe Yesus penetendre tong iko. ²⁰ Kehandak ap, ap ahan sendro iko nehe leloy ngubah engan ap gunen oreng akal nengawe iko. ²¹ Ulek tong ap, hai iko erai bolum tai pitay hukum agama, on ikam awe ngedinga hukum agama? ²² Gunen naan detulis, Abraham naan due anak song, erai losek neke walah bawe, erai li losek neke janji Allah. ²³ Gunen iro anak neke walah iro losek menurut kengakan unuk, tagal anak erai bawe bebas losek lalo janji Allah. ²⁴ Teaw kesah due bawe ehe ngunau istilah due janji erai neke janji tay saing Sinai lukun ngelosek nekekia walah. Iyero Hagar. ²⁵ Nehe, istilah neke Hagar ngunau saing Sinai tangar Tana Arab, sama ngunau Yerusalem nehe iye bolum jari walah lukun anak bua iye. ²⁶ GUjen iro, Yerusalem erai tangar emoo, Iyero bawe erai bebas, iyero ine taka. ²⁷ Gunen naan erai detulis, "egolah", iko bawe erai mandul, erai awe tau nganak. Berseru lukun bersorak, hai ikam erai awe nginam kenare rahat nganak. Gunen, lebih deo nekia bawe erai gegale teke nekeia bawe erai naan banen. ²⁸ Saudara-saudara, kamu adalah anak-anak perjanjian seperti Ishak. ²⁹ Engkar iro, nekia erai losek neke unuk menyiksa nekia erai losek neke merue, ngunau kejadian nehe. ³⁰ gunen iro, on erai deulek Kitab Suci? "Penekoyo bawe walah iro lukun iye, gunen nekia bawe erai bebas iro". ³¹ Gunen iro, erai butung senai, taka baa neke nekekia walah bawe iro, tagal neke bawe erai bebas.